សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3

 

សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3


ថ្ងៃចេញផ្សាយ : Saturday, September 18, 2021 0 Reviews

ប្រធាន​មន្ទីរ​ព័ត៌មាន​ខេត្តកែប​ បានដឹកនាំកិច្ចប្រជុំ​ស្ដីពី​វឌ្ឍន​ភាពការងារ​រយៈពេល​ ៩ខែ​ ឆ្នាំ​២០២១​


អ្នកនិពន្ធ :


កែប៖នៅរសៀលថ្ងៃសុក្រ​ ទី១៧​ ខែកញ្ញា​ ឆ្នាំ​២០២១​ នេះ​ លោក​ រស់​ ឧត្ដុង្គ​ ប្រធាន​មន្ទីរ​ព័ត៌មាន​ខេត្តកែប​ បានដឹកនាំកិច្ចប្រជុំ​ ស្ដីពី​ វឌ្ឍនភាពការងារ​រយៈពេល​ ៩ខែ​ ឆ្នាំ​២០២១​ និងលើកទិសដៅសម្រាប់អនុវត្តបន្ត​ ដោយ មានការចូលរួមពី​ លោក​ អនុប្រធាន​មន្ទីរ​ ប្រធាន​ អនុប្រធាន​ការិយាល័យ​ទាំង៥​ លោក​ លោកស្រី​ មន្ត្រី​រាជការ​ទាំងអស់​ នៃមន្ទីរព័ត៌មានខេត្តកែប​។

ក្នុងកិច្ចប្រជុំ​នេះ​ លោក​ ប្រធានមន្ទីរ​ ក៏បានដាក់ចេញនូវ របៀបវារៈចំនួន៤ ដូចខាង ក្រោម÷

១-​ ពិនិត្យ​ ពិភាក្សា​ និងឆ្លងរបាយការណ៍ ៩ខែ ដើមឆ្នាំ និងរបាយការណ៍ ត្រីមាសទី៣ ឆ្នាំ២០២១​ និងទិសដៅអនុវត្តបន្ត​

២-​ ពិនិត្យ​ ពិភាក្សា​ និងឆ្លងរបាយការណ៍សមិទ្ធផលរយៈពេល ៥ឆ្នាំ(២០១៧-២០២១)

៣-​ ពង្រឹងតួនាទីភារកិច្ច​ និងរបៀបរបបការងារ​ និង

៤-​ បញ្ហាផ្សេងៗ៕

ប្រភព៖មន្ទីព័ត៌មានខេត្តកែប


សូមអានបន្ត

Saturday, September 18, 2021


ថ្ងៃចេញផ្សាយ : Friday, September 17, 2021 0 Reviews

សម្ដេចតេជោនាយករដ្ឋមន្ត្រី អញ្ជើញធ្វើសន្និសីទសារព័ត៌មាន ស្ដីពីការចាក់វ៉ាក់សាំងបង្ការជំងឺកូវីដ-១៩ និងការវិវត្ត នៃជំងឺកូវីដ-១៩ នៅកម្ពុជា


អ្នកនិពន្ធ :

 ភ្នំពេញ :ថ្ងៃទី១៧ ខែកញ្ញា ឆ្នាំ២០២១ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញធ្វើសន្និសីទសារព័ត៌មាន ស្ដីពីការចាក់វ៉ាក់សាំងបង្ការជំងឺកូវីដ-១៩ និងការវិវត្តនៃជំងឺកូវីដ-១៩ នៅក្នុងប្រទេសកម្ពុជា ដែលសន្និសីទសារព័ត៌មាននេះ ធ្វើឡើងនៅវិមានសន្តិភាព រាជធានីភ្នំពេញ នាព្រឹកថ្ងៃទី១៧ ខែកញ្ញា ឆ្នាំ២០២១ ។


រូបថត៖ ទំព័រហ្វេសប៊ុកសម្តេចនាយករដ្ឋមន្រ្តី

សូមអានបន្ត

Friday, September 17, 2021


ថ្ងៃចេញផ្សាយ : Thursday, September 16, 2021 0 Reviews

រដ្ឋបាលខេត្តប៉ៃលិន ប្រកាសជូនដំណឹងស្តីពីការចាក់វ៉ាក់សាំងការពារជំងឺកូវីដ១៩ ដល់កុមារមានអាយុចាប់ពី០៦ឆ្នាំ ដល់ អាយុក្រោម១២ឆ្នាំ នៅទូទាំងខេត្តប៉ៃលិន


អ្នកនិពន្ធ :

 

ខេត្តប៉ៃលិន ៖ រហូតមកដល់ពេលនេះរដ្ឋបាលខេត្តប៉ៃលិន បានចេញសេចក្តីជូនដំណឹងលេខ២០០/២១សជណ. ស្តីពីការចាក់វ៉ាក់សាំងការពារជំងឺកូវីដ ១៩ ជូនដល់កុមារ មានអាយុចាប់ពី០៦ឆ្នាំ ដល់ក្រោម១២ឆ្នាំ ដែលរស់នៅក្នុងខេត្តប៉ៃលិន។ 

លោកជំទាវ បាន ស្រីមុំ អភិបាលខេត្ត បានលើកឡើងថា ៖ រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានដាក់ចេញ «យុទ្ធនាការជាតិចាក់វ៉ាក់សាំង» សំដៅបង្កើតឱ្យមានភាពស៊ាំ ក្នុងសហគមន៍ ទប់ទល់នឹងការឆ្លងរីករាលដាលនៃជំងឺកូវីដ-១៩ នៅក្នុងសហគមន៍។ ដើម្បីចូលរួមជាមួយរាជរដ្ឋាភិបាលកម្ពុជា ក្នុងការទប់ស្កាត់ការឆ្លងរីករាលដាលនៃជំងឺកូវីដ១៩នេះ រដ្ឋបាលខេត្ត បានរៀបចំផែនការខេត្ត ចាក់វ៉ាក់សាំងការពារជំងឺកូវីដ-១៩ ជូនដល់កុមារអាយុចាប់ពី០៦ឆ្នាំ ដល់អាយុក្រោម១២ឆ្នាំ តាមរយៈគោលការណ៍ចុះឈ្មោះស្ម័គ្រចិត្ត ចាក់វ៉ាក់សាំង ជាមួយអាជ្ញាធរភូមិ ឃុំ-សង្កាត់ និងក្រុង-ស្រុក នៅទូទាំងខេត្ត ពិសេសនៅតំបន់មានហានិភ័យ។

លោកជំទាវបានបន្តទៀតថា "នាងខ្ញុំតំណាងឲ្យប្អូនៗ កុមារដែលអាយុចាប់ពី ០៦ឆ្នាំ ដល់អាយុក្រោម១២ឆ្នាំ ក៏ដូចជា បងប្អូន ប្រជាពលរដ្ឋ មាតាបិតា ឬ អាណាព្យាបាលកុមារទាំងអស់ ទូទាំងខេត្តប៉ៃលិន សូមគោរពថ្លែងអំណរគុណ ចំពោះប្រមុខរាជរដ្ឋាភិបាល សម្តេចអគ្គមហាសេនាតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រានី ហ៊ុន សែន ថ្នាក់ដឹកនាំក្នុងជួររដ្ឋាភិបាល រួមទាំង សម្តេចទាំងទ្វេ តែងតែរួមសុខរួមទុក្ខ គិតគូរពី សុខភាព ជីវភាព របស់ប្រជាពលរដ្ឋទូទាំងប្រទេស ជាពិសេស ពុកម៉ែបងប្អូនប្រជាពលរដ្ឋខេត្តប៉ៃលិន ។

គោរពជូនពរសម្តេច ឯកឧត្តម លោកជំទាវ ទទួលបានសុខភាពល្អ ជាម្លប់ដ៍ត្រជាក់ត្រជុំសំរាប់កូនចៅជារៀងរហូត ។

សូមបញ្ជាក់ផងដែរថា ៖ យុទ្ធនាការនៃការចាក់វ៉ាក់សាំងនេះ ចាប់ថ្ងៃទី១៧ ខែកញ្ញា ឆ្នាំ២០២១ ពេលព្រឹកចាប់ពីម៉ោង ៨ និង០០នាទីព្រឹក ដល់ម៉ោង ១១ និង០០នាទី ។ ពេលរសៀលចាប់ពីម៉ោង ២ និង០០នាទីរសៀល ដល់ម៉ោង ៥ និង០០នាទីល្ងាច នៅតាមទីតាំងដូចខាងក្រោម ៖

-មន្ទីរពេទ្យបង្អែកខេត្តប៉ៃលិន ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន

-មណ្ឌលសុខភាពផ្សារព្រំ  ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ 

-មណ្ឌលសុខភាពភ្នំស្ពង់ ស្ថិតក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ

-មណ្ឌលសុខភាពភ្នំព្រាល ស្ថិតក្នុងភូមិភ្នំព្រាល ឃុំស្ទឹងត្រង់ ស្រុកសាលាក្រៅសូមកុំភ្លេចភ្ជាប់មកជាមួយនូវ សំបុត្រកំណើត ឬសំបុត្របញ្ជាក់កំណើត  សៀវភៅគ្រួសារ ឬ សៀវភៅស្នាក់នៅ ៕ ដោយ ៖ នាក់ ង៉យ











សូមអានបន្ត

Thursday, September 16, 2021


ថ្ងៃចេញផ្សាយ : Wednesday, September 15, 2021 0 Reviews

អភិបាលខេត្តសៀមរាបបង្ហាញថា ប្រជាពលរដ្ឋមួយចំនួននៅក្រុងសៀមរាប នៅតែប្រហែស ខ្វះការប្រុងប្រយ័ត្ន បំពាន និងមិនមានការឈ្វេងយល់ពីហានិភ័យ នៃជំងឺកូវីដ-១៩


អ្នកនិពន្ធ :

សៀមរាប :ថ្ងៃទី១៥ ខែកញ្ញា ឆ្នាំ២០២១

ឯកឧត្តម ទៀ សីហា អភិបាលខេត្តសៀមរាប នៅថ្ងៃ៩កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី១៥ ខែកញ្ញា ឆ្នាំ២០២១នេះ បានបង្ហាញតាមរយៈផេកហ្វេប៊ុកផ្ទាល់ខ្លួនរបស់ឯកឧត្តមថា ក្នុងកាលៈទេសៈដ៏លំបាកនេះហើយ បងប្អូនប្រជាពលរដ្ឋមួយចំនួននៅតែប្រហែស ខ្វះការប្រុងប្រយ័ត្ន បំពាន និងមិនមានការឈ្វេងយល់ពីហានិភ័យនៃជំងឺកូវីដ-១៩។

ឯកឧត្តមបន្តថា អាជ្ញាធរយើងខ្ញុំបានខិតខំណែនាំហើយណែនាំទៀត អង្វរផង និងអំពាវនាវផង បងប្អូនប្រជាពលរដ្ឋមួយចំនួននៅតែមិនស្តាប់ មិនចូលរួម។ ខ្ញុំត្រូវបង្ខំចិត្តឱ្យក្រុមការងារចាត់វិធានការ ចំពោះបងប្អូនមួយចំនួននេះ ក្នុងការផាកពិន័យ និងដាក់ទោសតាមច្បាប់ ។ សូមបងប្អូនប្រជាពលរដ្ឋ កុំឆ្លៀតធ្វើអ្វីដែលខុសពីការណែនាំ ព្រោះបងប្អូនអាចប្រឈមនឹងផ្លូវច្បាប់ បងប្អូនអាចត្រូវបិទអាជីវកម្ម បិទហាង បាត់បង់ការងារ បងប្អូនអាចឆ្លងកូវីដ-១៩ និងនាំយកជំងឺចូលផ្ទះ ឆ្លងដល់ប្តីប្រពន្ធ ឆ្លងដល់កូន ឆ្លងដល់ឪពុកម្ដាយដែលចាស់ជរា បងប្អូននឹងអាចធ្វើឱ្យបាត់បង់សមាជិកក្រុមគ្រួសារ ដោយសារតែទប់ចិត្តមិនបាន ជួបជុំគ្នាផឹកស៊ីសប្បាយក្នុងមួយគ្រា។

ឯកឧត្តមអភិបាលខេត្ត មានប្រសាសន៍ថា ខ្ញុំសូមអង្វរ និងអំពាវនាវម្តងទៀតដល់បងប្អូនប្រជាពលរដ្ឋ សូមចូលអនុវត្តន៍ គ្រប់គ្រងកូនចៅឱ្យបានល្អ បើមិនមានការចាំបាច់កុំចេញពីផ្ទះ ដើម្បីសុវត្ថិភាព ដោយផ្អាកការប្រមូលផ្តុំ ការជួបជុំផឹកស៊ី និងសកម្មភាពទាំងឡាយដែលផ្ទុយពីវិធានការការពាររបស់ក្រសួងសុខាភិបាល។ កាពារខ្លួនឯងស្មើនឹងការពារក្រុមគ្រួសាររបស់លោកអ្នក រស់នៅតាមបែបគន្លងថ្មី ៣ការពារគឺ ត្រូវពាក់ម៉ាស, ត្រូវលាងសម្អាតដៃ, ត្រូវរក្សាគម្លាតបុគ្គល ។ ៣កុំ គឺកុំនៅបន្ទប់បិទជិត, កុំនៅកន្លែងមានមនុស្សច្រើនកុះករ, កុំប៉ះពាល់គ្នា។

សូមបញ្ជាក់ថា បន្ទាប់ពីរដ្ឋបាលខេត្តសៀមរាប សម្រេចកំណត់ជា "តំបន់លឿងទុំ" នៅក្នុងភូមិសាស្ត្រក្រុងសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងខេត្តសៀមរាបរួចមក រដ្ឋបាលខេត្តបានសង្កេតឃើញថា មានបងប្អូនប្រជាពលរដ្ឋមួយចំនួនមិនអនុវត្តន៍តាមខ្លឹមសារនៃសេចក្តីសម្រេច និងច្បាប់ស្តីពីវិធានការទប់ស្កាត់ ការឆ្លងរាលដាលនៃជំងឺ កូវីដ-១៩ និងជំងឺឆ្លងកាចសាហាវ ដែលប្រកបដោយគ្រោះថ្នាក់ធ្ងន់ធ្ងរផ្សេងទៀត ព្រមទាំងលិខិតបទដ្ឋានគតិយុត្តពាក់ព័ន្ធជាធរមាន។

ដើម្បីជាផលប្រយោជន៍ នៃសុខភាពសាធារណៈ និងទប់ស្កាត់ការឆ្លងរាលដាលជំងឺកូ វីដ-១៩ ឱ្យមានប្រសិទ្ធភាពខ្ពស់ សមត្ថកិច្ចនឹងចុះល្បាតគ្រប់ច្រកល្ហក ក្នុងភូមិសាស្ត្រក្រុងសៀមរាប។ ចំពោះបុគ្គលទាំងឡាយណាមិនអនុវត្តន៍តាមវិធានការរដ្ឋបាល នឹងត្រូវផ្តន្ទាទោសតាមខ្លឹមសារមាត្រា១០ និងមាត្រា១១ នៃច្បាប់ស្តីពីវិធានការទប់ស្កាត់ការឆ្លងរាលដាល នៃជំងឺ កូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ៕

ដោយឃុត សៅ, សម្រួលផ្សាយ៖ Dara

សូមអានបន្ត

Wednesday, September 15, 2021


ថ្ងៃចេញផ្សាយ : Tuesday, September 14, 2021 0 Reviews

រដ្ឋបាលខេត្តកណ្តាល បើកកិច្ចប្រជុំពិភាក្សាកំណត់និយមន័យ នៃនិមិត្តសញ្ញាឃុំ-សង្កាត់ ស្រុក ក្រុង ក្នុងខេត្តកណ្តាល


អ្នកនិពន្ធ :

 កណ្តាល: ថ្ងៃទី១៤ ខែកញ្ញា ឆ្នាំ២០២១

លោក គីម រិទ្ធី អភិបាលរងខេត្តកណ្តាល បាន ដឹកនាំកិច្ចប្រជុំ កែសម្រួលនិយមន័យនៃនិមិត្តសញ្ញារបស់រដ្ឋបាលឃុំ សង្កាត់ ស្រុក ក្រុង ក្នុង ខេត្តកណ្តាល ដោយមានការចូលរួមពីលោក លោកស្រី អភិបាលរងស្រុក នាយករដ្ឋបាលស្រុកនិង មន្ទីរជំនាញពាក់ព័ន្ធ នៅសាលាខេត្តកណ្តាល នៅថ្ងៃ៧កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃចន្ទ ទី១៣ ខែកញ្ញា ឆ្នាំ២០២១។

លោក គីម រិទ្ធី អភិបាលរងខេត្ត បានមានប្រសាសន៍ថា នេះជាការប្រជុំពិភាក្សា លើការកែសម្រួលនិយមន័យនៃនិមិត្តសញ្ញាសម្រាប់ឃុំ សង្កាត់ ក្រុង ស្រុកនីមួយៗ ដើម្បីកំណត់ និយមន័យនៃនិមិត្តសញ្ញាសម្រាប់រដ្ឋបាលក្រុង ស្រុក ឃុំ សង្កាត់ ក្នុងខេត្តកណ្តាល ដើម្បីដាក់ជូនឯកឧត្តមអភិបាលខេត្ត សម្រេចមុននឹងផ្ញើទៅក្រសួងមហាផ្ទៃ ។

លោកអភិបាលរងខេត្ត បានណែនាំដល់ក្រុង ស្រុក ត្រូវផ្តោតសំខាន់លើនិយមន័យនៃនិមិត្តសញ្ញាតំណាងឱ្យរដ្ឋបាល ក្រុង ស្រុក ឃុំ សង្កាត់របស់ខ្លួន ដោយជ្រើសរើសយកសក្តានុពល ឬ ប្រវត្តិទាក់ទងទៅនឹងឃុំ សង្កាត់ ស្រុក ក្រុងរបស់ខ្លួន ។

លោកអភិបាលរងខេត្ត បានបន្តថា ការបង្ហាញពីនិយមន័យនៃនិមិត្តសញ្ញានាពេលនេះ នូវមានចំណុចខ្វះខាតមួយចំនួនត្រូវចូលរួមធ្វើការកែលម្អ ។ ដូច្នេះក្រុង ស្រុក នីមួយៗត្រូវ ឈ្វេងយល់អំពីសក្តានុពល សមិទ្ធផលដែលកំពុងកើតមានឡើងនៅក្នុងមូលដ្ឋាន ឬ ប្រវត្តិ ទាក់ទងក្នុងមូលដ្ឋានរបស់ខ្លួន ទើបយើងកំណត់យកនិមិត្តសញ្ញាសម្រាប់សម្គាល់ឃុំ សង្កាត់ ក្រុង ស្រុករបស់ខ្លួន ឱ្យសមស្រប និងឈានយកនិយមន័យនៃនិមិត្តសញ្ញារបស់ឃុំ សង្កាត់ ស្រុក ក្រុង ដើម្បីប្រើប្រាស់ជាផ្លូវការនៅពេល ខាងមុខ ៕

 (ប្រភពៈ រដ្ឋបាលខេត្តកណ្ដាល )

សូមអានបន្ត

Tuesday, September 14, 2021


ថ្ងៃចេញផ្សាយ : Monday, September 13, 2021 0 Reviews

អភិបាលខេត្តបន្ទាយមានជ័យ ជំរុញមន្ត្រីអាជ្ញាធរកងកម្លាំងប្រដាប់អាវុធ ត្រៀមគ្រប់លក្ខណៈ មធ្យោបាយ ដើម្បីឆ្លើយតបដោះស្រាយភ្លាមៗ ក្នុងករណីមានគ្រោះទឹកជំនន់ធ្ងន់ធ្ងរកើតឡើង


អ្នកនិពន្ធ :

 


 បន្ទាយមានជ័យ: ថ្ងៃទី១៣ ខែកញ្ញា ឆ្នាំ២០២១

អភិបាលខេត្តបន្ទាយមានជ័យឯកឧត្តម អ៊ុំ រាត្រី បានជំរុញដល់មន្ត្រីជំនាញអាជ្ញាធរមូលដ្ឋាន កងកម្លាំងប្រដាប់អាវុធគ្រប់ថ្នាក់ក្នុងខេត្ត មានវិធានត្រៀមគ្រប់លក្ខណៈ មធ្យោបាយ ដើម្បីឆ្លើយតបដោះស្រាយភ្លាមៗ ក្នុងករណីមាន គ្រោះទឹកជំនន់ធ្ងន់ធ្ងរកើតឡើង ខណៈដែល ប៉ុន្មានថ្ងៃ មកនេះមានភ្លៀងធ្លាក់ជាបន្តបន្ទាប់បង្ក ឱ្យមានជំនន់ទឹកភ្លៀង បានជន់លិចតំបន់មួយ ចំនួន នៅក្នុងខេត្តជាប់ព្រំដែនថៃមួយនេះ។

ការជំរុញបែបនេះក្នុងឱកាសឯកឧត្តម អ៊ុំ រាត្រី រួមដំណើរជាមួយឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចអគ្គមហាសេនាបតីតេជោ ហ៊ុន សែន រួមនឹងកងកម្លាំង ចម្រុះចុះពិនិត្យមើល ជំនន់ទឹកភ្លៀង និងកាយបើកមុខទឹកបង្ហូរ និងបញ្ចៀសពីការជន់លិចផ្ទះ របស់ប្រជាពលរដ្ឋ នៅតំបន់អភិវឌ្ឍន៍បឹងជង្រុកតេជោ ឈ្នះឈ្នះស្ថិតនៅភូមិទួលប្រាសាទ ឃុំទួលពង្រ ស្រុកម៉ាឡៃ និងនៅតំបន់ព្រំដែន ក្នុងស្រុកថ្មពួក ស្រុកអូរជ្រៅ កាលពីថ្ងៃ៦កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃអាទិត្យ ទី១២ខែ កញ្ញា ឆ្នាំ២០២១។

ឯកឧត្តម អ៊ុំ រាត្រី បានឱ្យដឹងថា នៅក្នុងភូមិសាស្ត្រខេត្តបន្ទាយមានជ័យ ក្នុង១សប្តាហ៍ នេះបានទទួលរងទឹកភ្លៀងធ្លាក់រាយប៉ាយពីបង្គួរទៅច្រើនជាប់ៗគ្នា និងទទួលលំហូរទឹកមក ពីព្រំ ដែនថៃ និងស្រុកបវេល ខេត្តបាត់ដំបង បានបង្កឱ្យមានការជន់លិចនៅតំបន់មួយចំនួន ក្នុងស្រុកម៉ាឡៃ, ក្រុងប៉ោយប៉ែត, ស្រុកមង្គមបូរី, ស្រុកអូរជ្រៅ, ស្រុកថ្មពួកជាដើម។ តែមក ដល់ពេលនេះ មិនមានបញ្ហាអ្វីឱ្យរងគ្រោះខូចខាតផ្ទះសម្បែង ទ្រព្យសម្បត្តិ ដំណាំ និងគ្រោះ ថ្នាក់ដល់មនុស្សសត្វនោះទេ ជាលំហូរទឹកចាល់ជន់លិចបន្តិចបន្តួច ។

ទោះជាយ៉ាងនេះ ក្នុងនាមអាជ្ញាធរខេត្តបន្ទាយមានជ័យ ឯកឧត្ត អ៊ុំ រាត្រី អភិបាលខេត្ត បានណែនាំ ក្រើនរម្លឹកមន្ត្រីអាជ្ញាធរពាក់ព័ន្ធ ឱ្យបង្កើនការយកចិត្តទុកដាក់ថែមទៀត តាមដាន ជាប្រចាំពីស្ថានភាពជំនន់ទឹកភ្លៀងនេះ។ ជាមួយនេះដែរឯកឧត្តម បាន អំពាវនាវប្រជាពលរដ្ឋ ត្រូវមានការប្រុងប្រយ័ត្នខ្ពស់ ស្តាប់តាមការជូនដំណឹង និងការប្រកាសរបស់អាជ្ញាធរ ដើម្បី ចៀសផុតពីគ្រោះថ្នាក់ បើក្នុងករណីមានគ្រោះធម្មជាតិទឹកជំនន់ធ្ងន់ធ្ងរ កើតឡើងនោះ៕

     

សូមអានបន្ត

Monday, September 13, 2021


ថ្ងៃចេញផ្សាយ : Saturday, September 11, 2021 0 Reviews

ខេត្តកែប ប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ ជូនប្រជាពលរដ្ឋដែលមានអាយុ១៨ឆ្នាំឡើងទៅ


អ្នកនិពន្ធ :

  

កែប៖ នៅរសៀលថ្ងៃទី១០ ខែកញ្ញា ឆ្នាំ២០២១ លោកជំទាវវេជ្ជបណ្ឌិត ឱ វណ្ណឌីន រដ្ឋលេខា ធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ និងឯកឧត្ដម សោម ពិសិដ្ឋ អភិបាល នៃគណៈអភិបាលខេត្ត កែប បានអញ្ជើញជាអធិបតី ប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋដែលមានអាយុ១៨ឆ្នាំ ឡើងទៅ នៅភូមិសាស្ត្រ ខេត្តកែប ។ ពិធីបិទយុទ្ធនាការនេះ ត្រូវបានរៀបចំឡើងក្នុងបរិវេណមន្ទីរពេទ្យខេត្តកែប ដែលមានវត្តមានអញ្ជើញចូលរួមពី ឯកឧត្តមលោកជំទាវ ប្រតិភូអមដំណើរ របស់ក្រសួងសុខាភិបាល លោក លោកស្រី អភិបាលរង ខេត្ត អភិបាលក្រុង ស្រុក ប្រធានន្ទីរអង្គភាពពាក់ព័ន្ធ រួមទាំងប្រជាពលរដ្ឋផងដែរ។ មានប្រសាសន៍ស្វាគមន៍ ក្នុងពិធីនោះ ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប បានបញ្ជាក់ថា ប្រជាពលរដ្ឋទូទាំងខេត្តកែប បានចាក់ វ៉ាក់សាំងដូសទី១ បានចំនួន២៦,៧៥៩នាក់ ស្មើនឹង១០៣%, ដូសទី២ ចំនួន២៦,៩២០នាក់ ស្មើនឹង៩៦% ដោយបានប្រើប្រាស់គ្រូពេទ្យចំនួនប្រាំក្រុម គ្រប់ឃុំ-សង្កាត់ ទូទាំងខេត្ត ដោយឡែកកុមារអាយុចាប់ពី១២ឆ្នាំ ដល់ក្រោម១៨ឆ្នាំ បានចាក់វ៉ាក់សាំង ដូសទី១ បានចំនួន ៤,៧៨៣នាក់ ស្មើនឹង៧៤% និងដូសទី២កំពុងដំណើការចាក់ជារៀងរាល់ថ្ងៃ។ សម្រាប់ក្រុមគ្រូពេទ្យ បុគ្គលិក សុខាភិបាលឯកជន បុគ្គលិកសុខាភិបាលស័្មគ្រចិត្ត មន្ត្រីរាជការ មន្ត្រីជាប់កិច្ចសន្យា និងកងកម្លាំងជួរមុខទូទាំងខេត្ត ទទួលបានវ៉ាក់សាំងដូសជំរុញចំនួន ១,៩០៤នាក់ ស្មើនឹង៨៦% នៃចំនួនសរុប ២,២១៩នាក់។ ឯកឧត្តម អភិបាលខេត្តកែប ក៏បានបញ្ជាក់អំពីស្ថានភាពជំងឺកូវីដ-១៩ ដែលក្នុងនោះមានអ្នកជំងឺ សរុប៤៨៣នាក់ បានព្យាបាលជាសះស្បើយចំនួន ៣៨៤នាក់ ,ស្លាប់២នាក់ និងកំពុងសម្រាកព្យាបាល៩៧នាក់ ចំណែកអ្នកប៉ះពាល់ដែលដាក់ធ្វើចត្តាឡីស័កនៅផ្ទះចំនួន៦០នាក់ ។ មានប្រសាសន៍ក្នុងពិធីប្រកាសបិទយុទ្ធការចាក់វ៉ាក់សាំងបង្ការជំងឺកូវីដ-១៩ សម្រាប់ប្រជាជនអាយុ១៨ឆ្នាំឡើងទៅ ក្នុងខេត្តកែបនោះ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល បានគូសបញ្ជាក់ថា ការបង្កើតឲ្យមាន នូវភាពស៊ាំក្នុងសហគមន៍ទប់ទល់ ទៅនឹងជំងឺកូវីដ-១៩ ជាយុទ្ធសាស្ត្រសំខាន់របស់រាជរដ្ឋាភិបាល ក្នុងការឈានទៅបើកដំណើរការជាប្រប្រតីឡើងវិញលើគ្រប់វិស័យ ហេតុនេះយុទ្ធនាការចាក់វ៉ាក់សាំងបង្ការជំងឺកូវីដ-១៩ ដែលរាជរដ្ឋាភិបាលបានប្រកាស ផ្តល់ជូនប្រជាពលរដ្ឋនៅទូទាំងប្រទេស កាលពីដើមខែកុម្ភៈ ឆ្នាំ២០២១ ពេលនេះសម្រេចបាន ប្រមាណជាង៩០%ហើយ នៅទូទាំងប្រទេស ដែលនេះបង្ហាញឲ្យឃើញពីកិច្ចខិតខំប្រឹងប្រែងរបស់ ប្រមុខរាជរដ្ឋាភិបាល ក្នុងការគិតគូរពីសុខុមាលភាព និងជីវភាពរស់នៅរបស់ ប្រជាពលរដ្ឋ ។ លោកជំទាវរដ្ឋលេខាធិការ ក៏បានកោតសរសើរខ្ពស់ចំពោះ រដ្ឋបាលខេត្តកែប លើយុទ្ធនាការប្រយុទ្ធប្រឆាំងនឹងជំងឺកូវីដ-១៩ ដែលទទួលបានលទ្ធផលល្អ ទាំងការព្យាបាលអ្នកជំងឺកូវីដ ការស្រាវជ្រាវរកបុគ្គលប៉ះពាល់ រួមទាំង យុទ្ធនាការចាក់វ៉ាក់សាំង ដែលឈានដល់ការបិទបញ្ចប់ជុំទី១ ដោយជោគជ័យ។ លោកជំទាវ បន្តថា ការបិទយុទ្ធនាក់ចាក់វ៉ាក់សាំងនេះ សម្រាប់តែប្រជាពលរដ្ឋអាយុ១៨ឆ្នាំឡើងតែប៉ុណ្ណោះ ដោយឡែក កុមារអាយុពី១២ឆ្នាំ ដល់ក្រោម១៨ឆ្នាំគឺនៅបន្តចាក់ជាធម្មតា។ លោកជំទាវ សុំឲ្យរដ្ឋបាលខេត្ត រក្សាវ៉ាក់សាំងមួយចំនួនសម្រាប់បងប្អូនដែលជាប់ចត្តាឡីស័ក និងពលករដែលទើបត្រឡប់មកពីបរទេស ដើម្បីឲ្យពួកគាត់មានឱកាសទទួលបាន វ៉ាក់សំាងសម្រាប់ជាកងការពារខ្លួន ក្នុងនោះដែរ លោកជំទាវ ក៏បានអំពាវនាវឲ្យបងប្អូនទាំងអស់នៅតែបន្តអនុវត្តវិធានការសុខាភិបាល បើទោះបីបានទទួលវ៉ាក់សាំងរួចហើយក្តី៕

(មន្ទីរព័ត៌មានខេត្តកែប)

សូមអានបន្ត

Saturday, September 11, 2021


ថ្ងៃចេញផ្សាយ : Friday, September 10, 2021 0 Reviews

ឯកឧត្តម សាម៉ន បណ្ឌិត្យ ពង្រឹងកិច្ចសហប្រតិបត្តិការទប់ស្កាត់ការជួញដូរមនុស្សខុសច្បាប់ក្នុងបរិបទកូវីដ-១៩


អ្នកនិពន្ធ :

ឯកឧត្តម សាម៉ន បណ្ឌិត្យ រដ្ឋលេខាធិការក្រសួងព័ត៌មាន បានអញ្ជើញបើកកិច្ចប្រជុំត្រួតពិនិត្យពីវឌ្ឍនភាពការងារ និង លើកទិសដៅអនុវត្តបន្តនៃក្រុមការងារបង្ការនិងទប់ស្កាត់អំពើជួញដូរមនុស្សខុសច្បាប់ប្រចាំក្រសួងព័ត៌មាន ក្នុងបរិបទកូវីដ-១៩។ កិច្ចប្រជុំត្រួតពិនិត្យវឌ្ឍនភាពការងារបស់ក្រុមការងារ និងលើកទិសដៅអនុវត្តបន្តនេះ បានធ្វើឡើងតាមរយៈប្រព័ន្ធវីដេអូ (Zoom Meeting) កាលពីថ្ងៃទី០៩ ខែកញ្ញា ឆ្នាំ២០២១ នៅទីស្តីការក្រសួងព័ត៌មាន។ ឯកឧត្តមរដ្ឋលេខាធិការ សាម៉ន បណ្ឌិត្យ បានមានប្រសាសន៍បញ្ជាក់ថា« កិច្ចប្រជុំនេះ គឺផ្តោតសំខាន់លើការងារមួយចំនួនដែលបាន អនុវត្តកន្លងមក លើការងារបង្ការនិងទប់ស្កាត់អំពើជួញដូរមនុស្ស ហើយយើងធ្វើការយ៉ាងត្រឹមត្រូវ ដោយយកចិត្តទុកដាក់ ខិតខំបង្កើនការ ទប់ស្កាត់អនុវត្តឲ្យបានខ្លាំងក្លា ហើយត្រូវពិនិត្យមើលការអនុវត្តន៍ជាជំហានៗ ដើម្បីឲ្យការងារយើងដែលកំពុងតែធ្វើនេះ ទទួលបាន លទ្ធផល ដូចដែលយើងបានគ្រោងទុក »។ លើសពីនេះ ឯកឧត្តម រដ្ឋលេខាធិការ សាម៉ន បណ្ឌិត្យ បានបន្ថែមថា កិច្ចការទាំងអស់នេះ មិនមែនជារឿងសាមញ្ញទេ យើងបន្តខិតខំជាបណ្តើរៗ យើងប្រឹងប្រែងអនុវត្តប្រកបដោយការយកចិត្តទុកដាក់ខ្ពស់ និងការទទួលខុសត្រូវ ដើម្បីសម្រេចឲ្យបានជាផ្លែផ្កាសម្រាប់សង្គមជាតិយើងទាំងអស់គ្នា ក៏ដូចជាថ្នាក់ដឹកនាំយើង ពិសេសឯកឧត្តមរដ្ឋមន្រ្តីក្រសួងព័ត៌មានតែម្តង ដែលតែងតែគិតគូរជានិច្ច ពីសុខទុក្ខរបស់ប្រជាជន។ នៅក្នុងកិច្ចប្រជុំនោះដែរ ឯកឧត្តមរដ្ឋលេខាធិការ សាម៉ន បណ្ឌិត្យ ក៏បានផ្ដល់គន្លឹះសំខាន់ៗមួយចំនួន ក្នុងការចូលរួមទប់ស្កាត់អំពើជួញដូរ មនុស្ស ក្នុងបរិបទកូវីដ-១៩នេះ រួមមាន៖ .ឲ្យមន្ទីរព័ត៌មានទូទាំងប្រទេស ចូលរួមផ្សព្វផ្សាយស្តីពីការ ទប់ស្កាត់ប្រជាពលរដ្ឋកុំឲ្យចាញ់បោក មេខ្យល់ឆ្លងដែនខុសច្បាប់ ទៅប្រទេសជិតខាងក្នុងពេលដែលប្រទេសគេកំពុងបិតខ្ទប់ ព្រោះពួកគាត់អាចត្រូវ៖ ចាញ់បោកគេ ខាតបង់លុយកាក់ ខាតបង់ពេលវេលា ត្រូវបានគេចាប់ខ្លួន និងអាចឆ្លងជំងឺកូវីដប្រភេទថ្មីផងដែរ។ សូមឲ្យប្រជាពលរដ្ឋមានភាពនឹងន៎ ក្នុងការរកទទួលទាន និងប្រកបរបរក្នុងស្រុកសិន ដ៏រាបណាជំងឺកូវីដមិនទាន់មានការថមថយ។ ប្រសិនបើមានជនណាមកប្រមូលកៀរគរ លួងលោម ឲ្យពលរដ្ឋធ្វើចំណាកស្រុក ត្រូវរាយការណ៍មកអាជ្ញាធរមានសមត្ថកិច្ចជាបន្ទាន់។ ប្រជាពលរដ្ឋត្រូវខិតខំបង្កបង្កើនផល ដាំដុះបន្លែបង្ការបន្ទាប់បន្សំ ដើម្បីលើកស្ទួយជីវភាពរស់នៅប្រចាំថ្ងៃ ក្នុលគោលបំណងកាត់បន្ថយការចំណាយប្រចាំថ្ងៃ។ .ត្រូវចូលរួមអនុវត្តឲ្យបានខ្ជាប់ខ្ជួននូវវិធានការរបស់រាជរដ្ឋាភិបាល ៣ការពារ ៣កុំ ដើម្បីចូលរួមទប់ស្កាត់ការរីករាលដាលជំងឺកូវីដ-១៩។ . មិនត្រូវជួបជុំគ្នាលក្ខណៈជាទ្រង់ទ្រាយធំនិងហាមការជួបជុំ ហូបចុកឬស៊ីផឹក លេងល្បែងស៊ីសងព្រោះផ្ទុយនឹងច្បាប់ ដែលពលរដ្ឋអាចត្រូវ ពិន័យ ឬដាក់ទោសទណ្ឌ និងអាចជាមូលហេតុនៃការីករាលដាលជំងឺកូវីដ-១៩ផងដែរ៕

 កុសល

សូមអានបន្ត

Friday, September 10, 2021


ថ្ងៃចេញផ្សាយ : Wednesday, September 08, 2021 0 Reviews

រដ្ឋបាលខេត្តកណ្តាល បើកកិច្ចប្រជុំពិនិត្យវឌ្ឍនភាព នៃការងារស្ថាបនាមជ្ឈមណ្ឌលព្យាបាល និងស្តានីតិសម្បទារ អ្នកញៀនគ្រឿងញៀនខេត្តកណ្តាល


អ្នកនិពន្ធ :

 


ខេត្តកណ្តាល៖ ឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្តកណ្តាល និង ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល បានជំរុញដល់ក្រុមការងារបច្ចេកទេសសាងសង់ ត្រូវពន្លឿននូវការសាងសង់ ឲ្យបានរួចរាល់តាមការគ្រោងទុក ត្រូវសាងសង់ប្រកបដោយស្តង់ដារបច្ចេកទេសត្រឹមត្រូវ ដើម្បីធានាបាននូវគុណភាព សោភ័ណ្ឌភាព សុវត្ថិភាព ប្រើប្រាស់បានយូរអង្វែង។

ការជំរុញនេះធ្វើឡើងនៅក្នុង កិច្ចប្រជុំពិនិត្យវឌ្ឍនភាព នៃការងារស្ថាបនាមជ្ឈមណ្ឌលព្យាបាល និងស្តានីតិសម្បទារ អ្នកញៀនគ្រឿងញៀនខេត្តកណ្តាល ដែលមានទីតាំងស្ថិតភូមិទួលសុភី ឃុំព្រែកគយ ស្រុកស្អាង ខេត្តកណ្តាល នៅព្រឹកថ្ងៃទី៧ ខែកញ្ញា ឆ្នាំ២០២១ នៅសាលាខេត្តកណ្ដាល។

ក្នុងកិច្ចប្រជុំនេះ ឯកឧត្តមប្រធានក្រុមប្រឹក្សាខេត្តបានស្នើឲ្យ ក្រុមហ៊ុនទទួលការសាងសង់ត្រូវពន្លឿនដល់ការងារដាក់លូបង្ហូទឹក និងផ្លូវក្នុងមណ្ឌល ពីព្រោះពេលនេះជារដូវភ្លៀង ដើម្បីជៀសវាងកុំឲ្យលិចទឹកក្នុងការដ្ឋាន និងពិបាកដល់ការដឹកជញ្ជូនសម្ភារៈ ដែលអាចធ្វើឲ្យរាំងស្ទះដល់ការងារសាងសង់។

បន្ថែមពីលើនេះ ឯកឧត្តមប្រធានក្រុមប្រឹក្សាខេត្ត បានឲ្យក្រុមហ៊ុនសាងសង់ត្រូវរៀបចំសាលប្រជុំ សម្រាប់ថ្នាក់ដឹកនាំ និងក្រុមការងារចុះមកប្រជុំ និងត្រួតពិនិត្យ ត្រូវរៀបចំប្រព័ន្ធដាក់ភ្លើងឲ្យបានល្អ ពង្រឹងលើការងាររក្សាសន្ដិសុខ សណ្តាប់ធ្នាប់ក្នុងការរដ្ឋាន ជាពិសេសត្រូវរៀបចំវិធានការការពារជំងឺកូវីដ-១៩ ដល់កម្មករ ចំពោះ កម្មករថ្មីត្រូវធ្វើតេស្តមុននឹងចូលធ្វើការ កម្មករទាំងអស់តំរូវឲ្យស្នាក់នៅក្នុងការដ្ឋាន មិនអនុញ្ញាតឲ្យទៅក្រៅឡើយ ដើម្បីការពារការឆ្លងកូវីដ-១៩ ក្នុងការដ្ឋាន ។

ក្នុងកិច្ចប្រជុំនេះដែរ ឯកឧត្តម គង់ សោភ័ណ្ឌ អភិបាលខេត្តក៏បាន ណែនាំដល់ក្រុមហ៊ុនទទួលការសាងសង់ ត្រូវសហការសុំយោបលជាមួយរដ្ឋបាលខេត្ត និងក្រុមបច្ចេកទេស ដើម្បីគុណភាពសំណង និងការសាងសង់អាចសំរេចបានតាមផែនការ ឯកឧត្តមនឹងចាត់អភិបាលរងខេត្តម្នាក់ចុះប្រចាំការផ្ទាល់ដើម្បីធ្វើឲ្យការងារនេះកាន់តែទទួលបានលទ្ធផលល្អប្រសើរផងដែរ។

សូមជម្រាបជូនថា មណ្ឌលព្យាបាល និងស្ដារនីតិសម្បទាអ្នកញៀនគ្រឿងញៀននេះ គឺជាសំណង់ប្រវត្តិសាស្ត្រមួយ សម្រាប់ប្រជាពលរដ្ឋនៅក្នុងខេត្តកណ្ដាល ពិសេសប្រជាពលរដ្ឋនៅក្នុងស្រុកស្អាង ដែលត្រូវបានសាងសង់លើផ្ទៃដីទំហំ១០ ហិកតា ក្នុងនោះមាន២១អគារ រួមមានអាគារសិក្សាពហុជំនាញ អគាការិយាល័យរដ្ឋបាល អគាររោងជាងសម្រាប់បុរស នារី អគារសម្រាប់បុគ្គលិក មន្ទីរពេទ្យ អាគារអប់រំផ្លូវចិត្ត រោងបាយ និងកន្លែងសម្រាប់ហាត់កីឡាផ្សេងៗទៀត ដែលអគារទាំងនេះត្រូវបានសាងសង់រួចរាល់ប្រមាណជាង ៤០ភាគរយ ហើយគ្រោងនឹងបញ្ចប់ការសាងសង់នៅពាក់កណ្តាលឆ្នាំ ២០២២ ខាងមុខនេះ នឹងអាចទទួលព្យាបាលអ្នកញៀនគ្រឿងញៀនបានប្រមាណជាងពីរពាន់នាក់៕ ដោយ៖ មន្ទីរព័ត៌មានខេត្តកណ្តាល សម្រួលផ្សាយដោយ៖ spsnews

សូមអានបន្ត

Wednesday, September 8, 2021

Popular Posts

ព័ត៌មានជាតិ និង អន្តរជាតិ ប្រចាំថ្ងៃ