បាត់ដំបង៖ ពលករដែលវិលត្រឡប់ពីប្រទេសថៃតាមច្រកព្រំដែនខេត្តបន្ទាយមានជ័យ និងខេត្តឧត្តរមាន
ជ័យ គិតត្រឹមម៉ោង៦រសៀលថ្ងៃទី២៤ ខែធ្នូ ឆ្នាំ២០២០ មានចំនួន២៣០នាក់ ត្រូវបានបញ្ជូនតាមរថយន្តយោធាមកធ្វើចត្តាឡីស័ក១៤ថ្ងៃ នៅមណ្ឌលចត្តាឡីស័ក កម្រិត១ ក្នុងវិទ្យាល័យព្រះមុន្នីវង្ស ។
ពលករដែលស្នាក់នៅក្នុងមណ្ឌលចត្តាឡីស័កតាមបណ្តាក្រុង ស្រុក ទទួលបានឃីត ១កញ្ចប់ មាន មុង ភួយ កន្ទេល ក្រមា សារុង…ជាដើម ជាអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងមានផ្តល់ជូនអាហារ ៣ ពេល ក្នុងមួយថ្ងៃផងដែរ ក្នុងពេលធ្វើចត្តាឡីស័កនេះ ។
នៅរសៀលល្ងាចថ្ងៃទី២៤ ខែធ្នូ ឆ្នាំ២០២០ នេះដែរ ឯកឧត្តម ងួន រតនៈ អភិបាលនៃគណៈអភិបាលខេត្ត អមដំណើរដោយ អភិបាលរងខេត្ត
ប្រធានមន្ទីរអង្គភាពមួយចំនួន ស្នងការនគរបាលខេត្ត មេបញ្ជាការកងរាជអាវុធខេត្ត អភិបាលក្រុង និងអ្នកពាក់ព័ន្ធមួយចំនួនទៀត បានអញ្ជើញចុះ ពិនិត្យទីតាំងមណ្ឌលចត្តាឡីស័កកម្រិត ១ នៅវិទ្យាល័យព្រះមុន្នីវង្ស ។
ឯកឧត្តម ងួន រតនៈ បានណែនាំដល់បងប្អូនប្រជាពលករឱ្យអនុវត្ត
វិធានការសុខាភិបាល ដើម្បីការពារការរីករាលដាលជំងឺកូវីដ-១៩ ដោយត្រូវធ្វើចត្តាឡីស័ករយៈពេល ១៤ ថ្ងៃ និងស្តាប់តាមការណែនាំរបស់ក្រុមគ្រូពេទ្យ ៕វិទ្យុជាតិកម្ពុជា៖ អត្ថបទ លោក ភី សុខ វិទ្យុជាតិចំការចេក
0 Comments:
Post a Comment