Saturday, March 20, 2021
mcntvonline
(ភ្នំពេញ)៖ ក្រសួងសុខាភិបាល នាព្រឹកថ្ងៃទី២០ ខែមីនា ឆ្នាំ២០២១នេះ បានចេញសេចក្តីជូនព័ត៌មានថា មានករណីវិជ្ជមានកូវីដ-១៩ថ្មីចំនួន៥៤នាក់ និងមានអ្នកជាសះស្បើយ ១៨នាក់។
គួរបញ្ជាក់ផងដែរថា ករណីវិជ្ជមានថ្មីខាងលើនេះ មាន៥៣នាក់ ជាអ្នកជាប់ទាក់ទងនឹង «ព្រឹត្តិការណ៍សហគមន៍២០កុម្ភៈ» និងម្នាក់ទៀតជាស្ត្រីជនជាតិខ្មែរ ដែលធ្វើដំណើរមកពីប្រទេសសិង្ហបុរី។
ដោយឡែក ករណីជាសះស្បើយនាថ្ងៃនេះ សុទ្ធតែជាអ្នក ជាប់ទាក់ទងនឹង «ព្រឹត្តិការណ៍សហគមន៍២០កុម្ភៈ»។
តាមក្រសួងសុខាភិបាល រហូតមកដល់ពេលនេះ បានរកឃើញអ្នកឆ្លងវីរុសកូវីដ១៩សរុប ១៦៣២ករណី ក្នុងនោះអ្នកជំងឺ៩៣៥នាក់ បានជាសះស្បើយ និងមានអ្នកស្លាប់បីនាក់។
ជាមួយគ្នានោះ «ព្រឹត្តិការណ៍សហគមន៍២០កុម្ភៈ» ក្រសួងសុខាភិបាល បានរកឃើញករណីឆ្លងថ្មីកើនដល់ ១១១៤នាក់ ក្នុងនោះមានអ្នកជាសះស្បើយ៤៣១នាក់ផងដែរ៕
Posted in: 
0 Comments:
Post a Comment