សម្ដេចតេជោ ហ៊ុន សែន៖ ក្នុងនាមជាប្រធានអាស៊ានសម្រាប់ ឆ្នាំ២០២២ កម្ពុជានឹងខិតខំបន្តពង្រឹងកិច្ចសហការអាស៊ានជាមួយសាធារណរដ្ឋប្រជាមានិតចិន ឱ្យកាន់តែប្រសើរឡើង

ភ្នំពេញ: ថ្ងៃទី១៦ ខែកញ្ញា ឆ្នាំ២០២២- ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានមានប្រសាសន៍គូសបញ្ជាក់ថា ក្នុងនាមជាប្រធានអាស៊ានសម្រាប់ ឆ្នាំ ២០២២ កម្ពុជានឹងខិតខំបន្តពង្រឹងកិច្ចសហការអាស៊ានជាមួយសាធារណរដ្ឋប្រជាមានិតចិន ឱ្យកាន់តែប្រសើរឡើង ដើម្បីធានានូវចីរភាព បរិយាប័ន្ន និងភាពធន់ នៃកិច្ចអភិវឌ្ឍសង្គម-សេដ្ឋកិច្ច ក្នុងតំបន់ទាំងពីរ។ ថ្លែងក្នុងពិធីបើកសម្ភោធពិព័រណ៍ចិន-អាស៊ាន លើកទី១៩ ឆ្នាំ២០២២ នៅទីក្រុងណាននីង ក្រោមប្រធានបទ «ការចែករំលែកកាលានុវត្តភាពថ្មី ដលទទួលបានពីភាពជាដៃគូសេដ្ឋកិច្ចគ្រប់ជ្រុងជ្

 រោយតំបន់(អាសិប)ដើម្បីស្ថាបនាតំបន់ពាណិជ្ជកម្មសេរីចិន-អាស៊ាន ទម្រង់៣.០» តាមរយៈប្រព័ន្ធវីដេអូថតទុកជាមុន នាព្រឹកថ្ងៃទី ១៦ ខែកញ្ញា ឆ្នាំ២០២២ សម្ដេចតេជោនាយករដ្ឋមន្ត្រី ថ្លែងថា ជាការពិត កិច្ចសហប្រតិបត្តិការសេដ្ឋកិច្ចអាស៊ាន និង ចិន សម្រេចបាននូវសមិទ្ធផលប្រកបដោយផ្លែផ្កាជាច្រើន ចាប់តាំងពីការចុះហត្ថលេខាលើក្របខណ្ឌកិច្ចព្រមព្រៀងស្តីពីកិច្ចសហប្រតិបត្តិការសេដ្ឋកិច្ចគ្រប់ជ្រុងជ្រោយ រវាងអាស៊ាន និង ចិន ក្នុងឆ្នាំ ២០០២ និងការចុះហត្ថលេខា លើកិច្ចព្រមព្រៀងពាណិជ្ជកម្ម និងវិនិយោគ នានា ជាបន្តបន្ទាប់។ សម្ដេចតេជោបន្តថា ឈរលើមូលដ្ឋាននៃភាពជោគជ័យនៃការអនុវត្តកិច្ចព្រមព្រៀងពាណិជ្ជកម្ម សេរីអាស៊ាន-ចិន ទម្រង់ ១.០ និងទម្រង់ ២.០

 កន្លងមក កម្ពុជាសូមគាំទ្រដល់គំនិតផ្តួចផ្តើមស្ដីពី ការលើកកម្ពស់កិច្ចព្រមព្រៀងនេះ ទៅជាទម្រង់ថ្មី ៣.០ និងយល់ថា ត្រូវផ្តោតការយកចិត្តទុកដាក់បន្ថែមលើការពង្រីកវិសាលភាពនៃកិច្ចសហប្រតិបត្តិការសេដ្ឋកិច្ចរវាងអាស៊ាន និង ចិន ឱ្យកាន់តែ ទូលំទូលាយ និងស៊ីជម្រៅបន្ថែមទៀត ដោយផ្តោតលើការកាត់បន្ថយរបាំងពាណិជ្ជកម្មទំនិញ សេវាកម្ម និងវិនិយោគនានា ព្រមទាំងជំរុញកិច្ចអភិវឌ្ឍន៍សេដ្ឋកិច្ចឌីជីថល កំណើនបៃតង និងការ បង្កើនសមត្ថភាពសហគ្រាសធុនតូច និងមធ្យម (SMEs)។ សម្ដេចតេជោបានសម្ដែងនូវក្ដីជឿជាក់ថា ការចាប់ផ្តើមអនុវត្តន៍អាសិបក្នុងឆ្នាំនេះ ក្រៅពីការបង្កើតបន្ថែម និងនាំមកនូវកាលានុវត្តភាពពាណិជ្ជកម្ម និងវិនិយោគ ជាច្រើន សម្រាប់ប្រទេសក្នុងតំបន់ ក៏បាននិងកំពុងចូលរួមចំណែកយ៉ាងសំខាន់ ក្នុងការលើកស្ទួយ ដល់ការលូតលាស់

វិស័យខាងលើនេះផងដែរ ជាពិសេស នឹងក្លាយជា «ក្របខណ្ឌស្នូល» សម្រាប់ ការស្ថាបនាតំបន់ពាណិជ្ជកម្មសេរីអាស៊ាន-ចិន ទម្រង់ ៣.០ នាពេលខាងមុខ។ សម្ដេចតេជោបានគូសបញ្ជាក់បន្ថែមថា សម្រាប់កម្ពុជា ជាមួយនឹងការសម្រេចបាននូវ “ភាពស៊ាំសហគមន៍រឹងមាំ » រាជរដ្ឋាភិបាល បានបើកប្រទេស និងដំណើរការឡើងវិញនូវរាល់សកម្មភាពផលិតកម្ម ធុរកិច្ច និងពាណិជ្ជកម្ម ទាំងអស់ក្នុងស្រុកចាប់តាំងពីចុងឆ្នាំ២០២១មក។ ជាងនេះទៅទៀត ក្នុងរយៈពេលជាង ២ ឆ្នាំ កន្លងមកនេះ រាជរដ្ឋាភិបាលបានខិតខំប្រឹងប្រែងដោះស្រាយបញ្ហាជារចនាសម្ព័ន្ធ និងដាក់ចេញឱ្យ អនុវត្តន៍នូវកម្មវិធីកែទម្រង់ជាបន្តបន្ទាប់ តាមរយៈការដាក់ឱ្យអនុវត្តនូវ «ច្បាប់ស្តីពីវិនិយោគថ្មី» ក្របខណ្ឌគោល

នយោបាយសង្គម-សេដ្ឋកិច្ចឌីជីថលកម្ពុជា ២០២១-២០៣៥ និង ក្របខណ្ឌ យុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាម គន្លងប្រក្រតីភាពថ្មី សម្រាប់ឆ្នាំ ២០២១-២០២៣» និងការសម្រេចបាននូវកិច្ចព្រមព្រៀងពាណិជ្ជកម្ម សេរីកម្ពុជា-ចិន កម្ពុជា-កូរ៉េ ។ល។ សំដៅជំរុញការងើបឡើងវិញនៃសេដ្ឋកិច្ចកម្ពុជា។ សម្ដេចតេជោ ក៏បានថ្លែងអំណរគុណចំពោះរដ្ឋាភិបាលចិន ដែលតែងតែផ្តល់អាទិភាព ខ្ពស់ដល់ការគាំទ្រកិច្ចអភិវឌ្ឍ និងការរីកចម្រើនរបស់អាស៊ាន៕ដោយ៖ ជឹម ណារី សម្រួលផ្សាយដោយ៖ dara

(សូមអានបន្ត)

Posted in: ព័ត៌មានជាតិ

ឯកឧត្ដម គន់ គីម អញ្ជើញជាអធិបតីក្នុងពិធីប្រកាសទទួលស្គាល់ ប្រធានសមាគមអតីតយុទ្ធជនកម្ពុជាខេត្តក្រចេះ

ក្រចេះ : ថ្ងៃទី១៥ ខែកញ្ញា ឆ្នាំ២០២២ ឯកឧត្ដមនាយឧត្ដមសេនីយ៍ គន់ គីម ទេសរដ្ឋមន្រ្តីទទួលបន្ទុកបេសកកម្មពិសេស និងជាអគ្គលេខាធិការសមាគមអតីតយុទ្ធជនកម្ពុជា បានអញ្ជើញជាអធិបតីក្នុងពិធីប្រកាសទទួលស្គាល់ ប្រធានសមាគមអតីតយុទ្ធជនកម្ពុជាខេត្ត ក្រចេះ នៅរសៀលថ្ងៃ៤រោច ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃពុធ ទី ១៤ ខែកញ្ញា ឆ្នាំ២០២២ ។

យោងតាមសេចក្តីសម្រេចរបស់គណៈអចិន្រ្តៃយ៍ គណៈកម្មាធិការកណ្តាលសមាគមអតីតយុទ្ធជនកម្ពុជា ចុះថ្ងៃទី១៣ ខែកញ្ញា ឆ្នាំ២០២២ បានបញ្ជាក់ថា ត្រូវបានទទួលស្គាល់ ឯកឧត្ដម អ៊ូ សុបុណ្ណា ជាប្រធានគណៈកម្មាធិការ និងជាប្រធានគណៈអចិន្រ្តៃយ៍គណៈកម្មាធិការសមាគមអតីតយុទ្ធជនកម្ពុជាខេត្តក្រចេះ ជំនួសឯកឧត្ដម លន់ សុផាត ដែលត្រូវបានផ្លាស់ប្ដូរភារកិច្ច ។

ឯកឧត្តម នាយឧត្តមសេនីយ៍ គន់ គីម បានគូសបញ្ជាក់ថា ដើម្បីឆ្លើយតបទៅនឹងគុណបំណាច់មិនអាចកាត់ថ្លៃបាន របស់បងប្អូនអតីតយុទ្ធជន ក្នុងបុព្វហេតុស្វែងរកសុខសន្តិភាពជូនប្រទេសជាតិមាតុភូមិ អាជ្ញាធរមានសមត្ថកិច្ច មន្ទីរជំនាញពាក់ព័ន្ធ ត្រូវបង្កើនការយកចិត្តទុកដាក់ចំពោះសុខទុក្ខ ការលំបាកក្នុងជីវភាពរស់នៅរបស់បងប្អូនក្រុមគ្រួសារអតីតយុទ្ធជន ឱ្យបានល្អថែមទៀត ។ ឯកឧត្ដមបានណែនាំដល់ឯកឧត្តមជាប្រធានសមាគមន ដែលទើបតែតាំងថ្មីនាពេលនេះ ត្រូវបន្តអនុវត្តន៍ការងារឱ្យបានល្អ ចុះស្រង់ស្ថិតិស្ថានភាពអតីតយុទ្ធជនក្រីក្រ និងផ្តល់ជូនសម្ភារ គ្រឿងឧបភោគបរិភោគជូនពួកគាត់ តាមរយ:ប៉ុស្តិ៍នគរបាលរដ្ឋបាលឃុំ- សង្កាត់នីមួយៗ ពិសេសក្នុងពេលបុណ្យភ្ជុំបិណ្ឌ និងបុណ្យជាតិនានាទៀត បន្តត្រួតពិនិត្យអតីតយុទ្ធជនក្រីក្រ ខ្វះខាតដីពិតប្រាកដ ដើម្បីធ្វើការផ្តល់ជូនឱ្យពួកគាត់ទទួលបានទ្រព្យសម្បត្តិ និងមានសិទ្ធិកាន់កាប់ប្រើប្រាស់អាស្រ័យផល ក្នុងការរស់នៅប្រចាំថ្ងៃ ប្រកបដោយភាពស្ងប់ចិត្ត និងសប្បាយរីករាយដូចអតីតយុទ្ធជនដទៃទៀតដែរ។ ត្រូវខិតខំដោះស្រាយបញ្ហាទំនាស់ដីធ្លីជូនពួក គាត់ប្រកបដោយតម្លាភាពនិងប្រសិទ្ធភាព ចុះសួរសុខទុក្ខសម្របសម្រួលនិងជំរុញឱ្យពួកគាត់មកចូលរួមចាក់វ៉ាក់សាំងការពារជំងឺកូវីដ-១៩ ឱ្យបានគ្រប់ៗគ្នា ។

ឯកឧត្ដមនាយឧត្ដមសេនីយ៍ គន់ គីម ក៏បានជំរុញឱ្យប្រធានសមាគមអតីតយុទ្ធជនកម្ពុជាខេត្ត ត្រូវឧស្សាហ៍ចុះសួរសុខទុក្ខបងប្អូន ជាសមាជិកអតីតយុទ្ធជន ផ្សាភ្ជាប់ការរស់នៅប្រចាំថ្ងៃ ដើម្បីបញ្ជាក់ពីការគិតគូរយកចិត្តទុកដាក់ពីអាណាព្យាបាល ដើម្បីបង្កើនភាពស្និទ្ធ ស្នាល រវាងអ្នកចាស់និងអ្នកថ្មី និងរវាងក្មេង និងមនុស្សចាស់ តបតាមអនុសាសន៍ដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រមុខដឹកនាំរាជរដ្ឋាភិបាលកម្ពុជា ៕ ដោយជួន សុជាតិ សម្រួលផ្សាយដោយ៖ dara

(សូមអានបន្ត)

សម្ដេចតេជោ ហ៊ុន សែន អញ្ជើញបើកកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ និងកិច្ចប្រជុំពាក់ព័ន្ធ នៅខេត្តសៀមរាប សៀមរាប ថ្ងៃទី១៤ ខែកញ្ញា ឆ្នាំ២០២២

 

ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបើកកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ និងកិច្ចប្រជុំពាក់ព័ន្ធ នៅសណ្ឋាគារសុខា ខេត្តសៀមរាប នាព្រឹកថ្ងៃទី១៤ ខែកញ្ញា ឆ្នាំ២០២២។ បើយោងតាមការឱ្យដឹងរបស់ក្រសួងពាណិជ្ជកម្មបានបញ្ជាក់ថា កិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ និងកិច្ចប្រជុំពាក់ព័ន្ធ

ដែលប្រព្រឹត្តទៅពីថ្ងៃទី ១៤ ដល់ថ្ងៃទី១៥ ខែកញ្ញា ឆ្នាំ២០២២ នឹងពិភាក្សាអំពីការវិវត្តន៍រីកចម្រើននៃសមាហរណកម្មសហគមន៍សេដ្ឋកិច្ចអាស៊ាន រួមទាំង សមិទ្ធិផលសេដ្ឋកិច្ចអាទិភាពរបស់កម្ពុជាការងើបឡើងវិញនៃសេដ្ឋកិច្ច ក្រោយពីជំងឺកូវីដ-១៩ ទំនាក់ទំនងសេដ្ឋកិច្ចក្រៅតំបន់របស់អាស៊ាន ពាក្យស្នើសុំ

ចូលជាសមាជិកអាស៊ានរបស់ប្រទេសទីម័រឡេស្តេ និងបញ្ហាពហុភាគី និងតំបន់ផ្សេងៗទៀតជាដើម។ ដោយឡែកកិច្ចប្រជុំរដ្ឋមន្ត្រីសេដ្ឋកិច្ចកម្ពុជា ឡាវ មីយ៉ាន់ម៉ា វៀតណាម កិច្ចប្រជុំរដ្ឋមន្ត្រីសេដ្ឋកិច្ចមេគង្គ-ជប៉ុន និងកិច្ចពិគ្រោះយោបល់ដទៃទៀត រវាងរដ្ឋមន្ត្រីសេដ្ឋកិច្ចអាស៊ាន និងដៃគូសន្ទនាអាស៊ាន នឹងរៀបចំធ្វើឡើងចាប់ពីថ្ងៃទី១៦ ដល់ថ្ងៃទី១៨ ខែកញ្ញា ឆ្នាំ២០២២។ ចំពោះកិច្ចប្រជុំពិគ្រោះ

យោបល់ រួមមាន កិច្ចប្រជុំពិគ្រោះយោបល់ រវាងរដ្ឋមន្ត្រីសេដ្ឋកិច្ចអាស៊ាន និងប្រទេសឥណ្ឌា, រដ្ឋមន្ត្រីសេដ្ឋកិច្ចអាស៊ាន និងប្រទេសកាណាដា រដ្ឋមន្ត្រី សេដ្ឋកិច្ចអាស៊ាន-ប្រទេសអូស្ត្រាលី និងណូវែលសេឡង់ រដ្ឋមន្ត្រីសេដ្ឋកិច្ចអាស៊ាន និងសាធារណរដ្ឋកូរ៉េ រដ្ឋមន្ត្រីសេដ្ឋកិច្ចអាស៊ាន និងប្រទេសចិន រដ្ឋមន្ត្រី

សេដ្ឋកិច្ចអាស៊ីបូព៌ា រដ្ឋមន្ត្រីសេដ្ឋកិច្ចអាស៊ានបូក និង៣ប្រទេស រដ្ឋមន្ត្រីសេដ្ឋកិច្ចអាស៊ាន និងហុងកុង នៃប្រទេសចិន រដ្ឋមន្ត្រី នៃភាពជាដៃគូសេដ្ឋកិច្ចគ្រប់ជ្រុងជ្រោយថ្នាក់តំបន់ រដ្ឋមន្ត្រីសេដ្ឋកិច្ចអាស៊ាន និងប្រទេសជប៉ុន រដ្ឋមន្ត្រីសេដ្ឋកិច្ចអាស៊ាន និងអង់គ្លេស រដ្ឋមន្ត្រីសេដ្ឋកិច្ចអាស៊ាន និងសហរដ្ឋអាមេរិក រដ្ឋមន្ត្រីសេដ្ឋកិច្ចអាស៊ាន និងសហភាពអឺរ៉ុប៕ដោយ៖ ជឹម ណារី សម្រួលផ្សាយដោយ៖ dara

(សូមអានបន្ត)

Posted in: ព័ត៌មានជាតិ

ព្រឹកថ្ងៃនេះនាយករដ្ឋមន្ត្រីកម្ពុជា និងវៀតណាម អញ្ជើញប្រារព្ធពិធីអបអរសាទរខួប ៤៥ឆ្នាំ នៃដំណើរឆ្ពោះទៅរកការតស៊ូរំដោះជាតិ

(ភ្នំពេញ)៖ ថ្ងៃទី២០ ខែមិថុនា ឆ្នាំ២០២២នេះគឺជារយៈពេល៤៥ឆ្នាំហើយ ដែលសម្តេចតេជោ ហ៊ុន សែន និងយុទ្ធមិត្តរួមអាវុធដ៏ស្មោះស្ម័គ្រ៤រូប បានរួមគ្នាយកជីវិតធ្វើជាដើមទុនចេញទៅកាន់ប្រទេសវៀតណាម ស្វែងរកការគាំទ្រ ដើម្បីតស៊ូរំដោះជាតិ និងប្រជាជនកម្ពុជា ចេញពីរបបប្រល័យពូជសាសន៍ដ៏ឃោរឃៅរបស់ខ្មែរ ប៉ុល ពត និងបក្ខពួក។

(សូមអានបន្ត)

Posted in: ព័ត៌មានជាតិ

សេចក្តីប្រកាសព័ត៌មាន ស្តីពីការវិលត្រឡប់មកវិញនូវសម្បត្តិវប្បធម៌ខ្មែរចំនួន ២៧រូប ដែលបានលួចនាំចេញដោយខុសច្បាប់ទៅសហរដ្ឋអាមេរិក

ភ្នំពេញ: ថ្ងៃទី ១៧ ខែមិថុនា ឆ្នាំ២០២២   សេចក្តីជូនព័ត៌មាន ស្តីពីការបញ្ជូនត្រឡប់មកកម្ពុជាវិញនូវសម្បត្តិវប្បធម៌ខ្មែរចំនួន ២៧រូប ដលបានលួចនាំចេញដោយខុសច្បាប់ទៅសហរដ្ឋអាមេរិក

ក្រសួងវប្បធម៌និងវិចិត្រសិល្បៈមានកិត្តិយស សូមជម្រាបជូនសាធារណជនជ្រាបថា សម្បត្តិវប្បធម៌ខ្មែរចំនួន ២៧រូប ដែលរឹបអូសបានដោយការិយាល័យរដ្ឋអាជ្ញានៃសង្កាត់មានហាថានក្រុងញូវយ៉ក និងការិយាល័យស៊ើបអង្កេត សន្តិសុខមាតុភូមិសហរដ្ឋអាមេរិក ត្រូវបានបញ្ជូនមកដល់មាតុភូមិកម្ពុជានៅថ្ងៃទី១៥ ខែមិថុនា ឆ្នាំ២០២២ ដោយ អនុលោមតាមអនុស្សារណៈនៃការយោគយល់គ្នារវាងរាជរដ្ឋាភិបាលកម្ពុជា និងរដ្ឋាភិបាលសហរដ្ឋអាមេរិក ស្ដីពីការ ដាក់កំរិតហាមប្រាមនូវការនាំចូលលើប្រភេទនៃវត្ថុបុរាណរបស់កម្ពុជា និងយោងលើកិច្ចព្រមព្រៀងរវាងរាជរដ្ឋាភិបាល កម្ពុជា ជាមួយការិយាល័យរដ្ឋអាជ្ញានៃសង្កាត់មានហាស៊ានក្រុងញូវយ៉ក។

ក្នុងចំណោមសម្បត្តិវប្បធម៌ខ្មែរទាំងនេះមានរូបបដិមាសំខាន់ៗមួយចំនួនផ្នែកពុទ្ធសាសនា និងព្រហ្មញ្ញសាសនា ក្នុងសម័យអង្គរ ដូចជា៖ ព្រះពុទ្ធរូបគង់សមាធិលើនាគធ្វើពីសំរឹទ្ធ, រូបព្រះឥសូរ និងរូបនាងប្រាជ្ញាបារមិតាធ្វើពីថ្មភក់។ វត្ថុទាំង២៧រូបនេះ ត្រូវបានបញ្ជូនទៅរក្សាទុកនៅសារមន្ទីរជាតិភ្នំពេញ ដើម្បីឱ្យក្រុមជំនាញធ្វើការពិនិត្យវាយតម្ល សំអាត ជួសជុល និងដំឡើងជើងទម្រចាំបាច់នានា សម្រាប់ត្រៀមរៀបចំពិធីប្រគល់-ទទួលជាផ្លូវការ នៅពេលវេលា ណាមួយសមស្រប តាមការសម្រេចរបស់រាជរដ្ឋាភិបាល។

លោកជំទាវបណ្ឌិតសភាចារ្យ គឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ បានបញ្ជាក់ថា “សម្បត្តិ វប្បធម៌ខ្មែរទាំងនេះ គឺជាព្រលឹងរបស់បុព្វបុរសខ្មែរជាច្រើនជំនាន់ និងតំណាងឲ្យអរិយធម៌ដ៏រុងរឿងនៃប្រវត្តិសាស្ត្រ របស់កម្ពុជា ដែលបានរសាត់ចាកឆ្ងាយពីមាតុភូមិកំណើតអស់ជាច្រើនឆ្នាំមកហើយនាសម័យសង្គ្រាម និងអសន្តិសុខ កន្លងមក។ ដោយសារពោលនយោបាយឈ្នះ-ឈ្នះរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបាន នាំមកនូវសុខសន្តិភាពពេញលេញ ទើបយើងមានឱកាសក្នុងការសហការស្វែងរក និងនាំយកកេរមរតកខ្មែរដែលបាន បាត់បង់ទាំងនោះត្រឡប់មកមាតុភូមិកំណើតវិញ"។

ក្នុងនាមតំណាងរាជរដ្ឋាភិបាលកម្ពុជា និងក្នុងនាមថ្នាក់ដឹកនាំនៃក្រសួងវប្បធម៌និងវិចិត្រសិល្បៈ លោកជំទាវ បណ្ឌិតសភាចារ្យបានថ្លែងអំណរគុណ និងវាយតម្លៃខ្ពស់ចំពោះកិច្ចសហប្រតិបត្តិការ និងការខិតខំប្រឹងប្រែងពីសំណាក់ ស្ថាប័នពាក់ព័ន្ធនានារបស់សហរដ្ឋអាមេរិក ជាពិសេស ការិយាល័យរដ្ឋអាជ្ញានៃសង្កាត់មានហាថានក្រុងញូវយ៉ក, ការិយាល័យស៊ើបអង្កេតសន្តិសុខមាតុភូមិសហរដ្ឋអាមេរិក និងស្ថានទូតសហរដ្ឋអាមេរិកប្រចាំកម្ពុជា ព្រមទាំងត្រសួង ស្ថាប័ននានារបស់កម្ពុជា និងក្រុមការងារនៃក្រសួងវប្បធម៌និងវិចិត្រសិល្បៈ រួមជាមួយលោក/ Bradley J. Gordon និងលោក Steven Heimberg ដែលបានជួយក្នុងការស្រាវជ្រាវ និងបញ្ចូនរតនសម្បត្តិទាំងនេះត្រឡប់មកកម្ពុជាវិញ។ ឆ្លៀតក្នុងឱកាសនេះ លោកជំទាវបណ្ឌិតសភាចារ្យក៏បានអំពាវនាវដល់សារមន្ទីរនានា ក៏ដូចជាអ្នកកាន់កាប់សមុច្ច័យ ឯកជននៅទូទាំងពិភពលោក សូមចូលរួមសហការនិងប្រគល់សម្បត្តិវប្បធម៌ដែលជាអត្តសញ្ញាណជាតិខ្មែរ ត្រឡប់មក ប្រទេសកំណើតវិញ។

(សូមអានបន្ត)

Posted in: ព័ត៌មានជាតិ

មន្រ្តីក្រសួងពាណិជ្ជកម្ម ជំរុញឱ្យកសិករច្នៃប្រឌិតទំនិញថ្មីៗបន្ថែម ដើម្បីប្រកួតប្រជែងលើទីផ្សារ

    

(សៀមរាប)៖ ក្រសួងពាណិជ្ជកម្ម បានរៀបចំពិព័រណ៍ផលិតផលខ្មែរ បន្លែ និងផ្លែឈើលើកទី១៥ ក្នុងឱកាសយុទ្ធនាការទិញផលិតផលខ្មែររដូវកាលទី៧ នៅក្នុងខេត្តសៀមរាប។ ក្នុងឱកាសនោះ មន្រ្តីជាន់ខ្ពស់ក្រសួងពាណិជ្ជកម្ម បានជំរុញលើកទឹកចិត្តដល់កសិករ ផលិតករ និងសហគ្រាសធុនតូច និងមធ្យម ត្រូវបង្កើនគំនិតច្នៃប្រឌិតបន្ថែមទៀត ដើម្បីប្រកួតប្រជែងនៅលើទីផ្សារ។

លោក ឈួន ដារ៉ា រដ្ឋលេខាធិការក្រសួងពាណិជ្ជកម្មមានប្រសាសន៍ថា សហគ្រាសធុនតូច និងមធ្យម ត្រូវខិតខំបង្កើននូវគំនិតច្នៃប្រឌិតទំនិញថ្មីៗបន្ថែមទៀត ដោយធ្វើការវេចខ្ចប់ឱ្យកាន់តែមានសោភ័ណភាព អនាម័យ ក្នុងន័យដើម្បីទាក់ទាញសម្រាប់បម្រើទីផ្សារក្នុងស្រុកឱ្យកាន់តែល្អប្រសើរ។

ចំពោះយុទ្ធនាការទិញផលិតផលខ្មែរ លោក ឈួន ដារ៉ា យល់ថា វាជាផ្នែកមួយសំខាន់នៃការអនុវត្តគោលនយោបាយអភិវឌ្ឍន៍វិស័យពាណិជ្ជកម្មរបស់ក្រសួងពាណិជ្ជកម្ម។ យុទ្ធនាការនេះ គឺជាសំឡេងជួងពញ្ញាក់ស្មារតីប្រជាជនទូទៅ ឱ្យងាកមកចូលរួម គាំទ្រ និងប្រើប្រាស់ផលិតផលក្នុងស្រុក ជំនួសទំនិញនាំចូលពីបរទេសជាជំហានៗ។

ប្រធានមន្ទីរពាណិជ្ជកម្មខេត្តសៀមរាប លោក ភឿន គឹមលី បានឱ្យដឹងថា ពិព័រណ៍នៅឆ្នាំនេះ ធ្វើនៅពាក់កណ្ដាលឆ្នាំ គឺលឿនបន្ដិចធៀបនឹងឆ្នាំមុនៗដែលធ្វើនៅចុងឆ្នាំ។

 លោកថា ការរៀបចំនេះដោយសារបារម្ភចំពោះបញ្ហាកូវីដ១៩ តែប្រសិនបើឆ្នាំនេះធ្វើទៅល្អប្រសើរជាប្រក្រតី កម្មវិធីឆ្នាំក្រោយៗ នឹងរៀបចំនៅចុងឆ្នាំឡើងវិញ។

លោកបន្តថា ឆ្នាំនេះមានស្ដង់ពិព័រណ៍សរុប ១២៥ស្ដង់ ដោយមានបន្លែ ផ្លែឈើ សិប្បកម្ម ផលិតផលកែច្នៃ សំលៀកបំពាក់ និងមានផលិតផលខ្លះមកពីបណ្ដាខេត្តផ្សេងៗចូលរួមដែរ ក្នុងនោះសៀមរាបមានប្រមាណ ៥០ស្ដង់។ អ្វីដែលពិសេសសម្រាប់ឆ្នាំនេះ គឺការផលិតស្រាស ដែលសហគមន៍ផលិតបានល្អ ក្នុងកម្រិត ៥០ដឺក្រេ។

 លោក គឹមលី បន្តទៀតថា៖ «ឆ្នាំនេះបានសាកល្បងការងារបីទៀត ទី១អង្កររបស់សហគមន៍ កន្លងមកគ្មានទេ មានតែការធ្វើម្ហូប ដែលឆ្នាំនេះនៅរក្សាដដែល បន្ថែមអង្ករ ស្ពៃជ្រក់ និងទឹកជ្រលក់ យើងមានគម្រោងប្រកួតប្រជែងនៅឆ្នាំក្រោយ។ ជាកិច្ចការសាកល្បងឆ្នាំនេះ ដើម្បីយកទៅអាប់ដែតឆ្នាំក្រោយ»។

សូមបញ្ជាក់ថា ពិព័រណ៍ផលិតផលខ្មែរ បន្លែ និងផ្លែឈើ លើកទី១៥ នៅខេត្តសៀមរាប រៀបចំរយៈពេល៤ថ្ងៃ គឺចាប់ពីថ្ងៃទី១៦ ដល់ថ្ងៃទី១៩ ខែមិថុនា ឆ្នាំ២០២២ នៅបរិវេណសួនច្បារព្រះរាជដំណាក់៕

(សូមអានបន្ត)

Posted in: ព័ត៌មានជាតិ

គណប្រតិភូក្រសួងមហាផ្ទៃ ស្ថានទូតអាល្លឺម៉ង់ និង អូស្រ្តាលីស្វែងយល់ពីការអនុវត្តន៍ការងារគណនេយ្យភាពសង្គមខេត្តកំពង់ឆ្នាំង

កំពង់ឆ្នាំង ៖ គណប្រតិក្រសួងមហាផ្ទៃដឹកនាំដោយ ឯកឧត្តម ងី ច័ន្ទ្រផល រដ្ឋលេខាធិការក្រសួងមហាផ្ទៃ និងជាប្រធាន គណៈកម្មាធិការគ្រប់គ្រងការអនុវត្តន៍ផែនការយុទ្ធសាស្រ្តគណនេយ្យសង្គម សហការជាមួយស្ថានទូតអាល្លឺម៉ង់ និង ស្ថានទូត អូស្រ្តាលី នៅថ្ងៃទី១៤ខែមិថុនា ឆ្នាំ២០២២ បានអញ្ជើញមកទស្សនកិច្ចសិក្សាស្វែងយល់ស្តីពីការអនុវត្តន៍ ការងារគណនេយ្យភាព សង្គម របស់ខេត្តកំពង់ឆ្នាំង ដោយបានទទួលបដិសណ្ឋារកិច្ចយ៉ាងកក់ក្តៅ ពីសំណាក់លោក ស្រ៊ន សំឫទ្ធី អភិបាលរងខេត្តកំពង់ឆ្នាំង និង លោក លោកស្រី មន្រ្តីសាលាខេត្ត និង អាជ្ញាធរ ក្រុង ស្រុកនៅក្នុងខេត្តកំពង់ឆ្នាំងផងដែរ ។

លោក ស្រ៊ន សំឫទ្ធី អភិបាលរងខេត្តកំពង់ឆ្នាំងបានគូសបញ្ជាក់ថា រដ្ឋបាលខេត្តកំពង់ឆ្នាំងបានធ្វើការអនុវត្តគណនេយ្យភាពសង្គម ក្នុងដំណាក់កាលទី១នៅឆ្នាំ២០១៧ មានចំនួន២ស្រុក គឺស្រុកបរិបូរណ៍និងស្រុករលាប្អៀរ បានអនុវត្តលើវិស័យ៣ គឺ សេវារដ្ឋបាល ឃុំសង្កាត់ មណ្ឌលសុខភាព និង សាលាបឋមសិក្សា ។ ជាលទ្ធផលទទួលបាននូវបទពិសោធន៍ ល្អៗបង្កើតជាសក្តានុពល នាំឱ្យ ថ្នាក់ជាតិពង្រីកវិសាលភាពបន្ថែម។ បន្ទាប់មក គ.ជ.អ.ប បានផ្តល់ការណែនាំដល់ការគ្រប់គ្រងរដ្ឋបាលរាជធានីខេត្តទាំង២៥ ដើម្បីអនុវត្ត I-SAFT ដំណាក់កាលទី២ឆ្នាំ២០០១៩ ដល់ឆ្នាំ២០២៣។

ឯកឧត្តម ងី ច័ន្រ្ទផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការគ្រប់គ្រងការអនុវត្តន៍ ផែនការយុទ្ធសាស្រ្ត គណនេយ្យសង្គម (គ.គ.អ.ស) បានបញ្ជាក់ថា ដំណើរទស្សនកិច្ចនាឱកាសនេះ គឺដើម្បីផ្ដល់ឱកាសឱ្យសមាជិក គ.គ.អ.ស និងដៃគូអភិវឌ្ឍន៍នានា បានសិក្សាស្វែងយល់រៀនសូត្រ ដំណើការអនុវត្តន៍សកម្មភាព គណនេយ្យភាពសង្គម ទាំងផ្នែកផ្គត់ផ្គង់ និងផ្នែកតម្រូវការជាក់ស្ដែងនៅមូលដ្ឋានបន្ថែមទៀត។

ឯកឧត្តម បានបញ្ជាក់ទៀតថា គណនេយ្យភាពសង្គមគឺជាឧបករណ៍ដ៏មានសារសំខាន់ក្នុងការរួមចំណែកដល់ការពង្រឹង អភិបាលកិច្ច នៅមូលដ្ឋាន។ គណនេយ្យភាពសង្គម គឺជាដំណើរការនៃការផ្សារភ្ជាប់ទំនាក់ទំនងដ៏ល្អប្រសើរ រវាងប្រជាពលរដ្ឋនិង រដ្ឋបាលថ្នាក់ក្រោមជាតិ ហើយវាក៏ជាមធ្យោបាយមួយដែលបន្ស៊ីគ្នារវាងគោលការណ៍ទាំងឡាយនៃអភិបាលកិច្ច ដែលក្នុងនោះ រាល់ការធ្វើសេចក្តីសម្រេចចិត្ត និង ការអនុវត្តន៍សកម្មភាពជាសាធារណៈនានារបស់រដ្ឋបាលថ្នាក់ក្រោមជាតិ ឆ្លើយតបនឹងយុទ្ធសាស្រ្ត ចតុកោណរបស់រាជរដ្ឋាភិបាល ៕

(សូមអានបន្ត)

សម្ដេចតេជោ ហ៊ុន សែន អំពាវនាវ៦ចំណុច ដើម្បីជំរុញលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្លើយតបតម្រូវការទីផ្សារការងារ

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដល់គ្រប់តួអង្គពាក់ព័ន្ធចំនួន៦ចំណុចធំៗ ក្នុងឱកាសទិវាជាតិ អប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៥ នៅថ្ងៃទី១៥ ខែមិថុនា ឆ្នាំ២០២២ ក្រោមប្រធានបទ «TVET បង្កើនផលិតភាពការងារ និងភាពប្រកួតប្រជែងខ្ពស់»។

ការអំពាវនាវនេះ ដើម្បីលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្លើយតបតម្រូវការទីផ្សារការងារទាំងក្នុងប្រទេស និងក្រៅប្រទេស។

តាមសារលិខិតអបអរសាទរ ក្នុងឱកាសទិវាជាតិរបស់សម្ដេចតេជោ ហ៊ុន សែន ដែលបណ្ដាញព័ត៌មាន Fresh News ទទួលបាននៅថ្ងៃទី១៥ ខែមិថុនា ឆ្នាំ២០២២នេះ បានបញ្ជាក់ថា សម្ដេចសូមយកឱកាសនេះ អំពាវនាវដល់គ្រប់តួអង្គពាក់ព័ន្ធសូមចូលរួម៖

១៖ បន្តថែរក្សាសន្តិភាព និងស្ថិរភាពនៅកម្ពុជា ដែលជាលក្ខខណ្ឌចាំបាច់ ក្នុងការបន្តការអភិវឌ្ឍ មូលធនមនុស្សពោរពេញដោយជំនាញ និងសមត្ថភាព ដើម្បីបង្កើនផលិតភាព ភាពប្រកួតប្រជែង កំណើនសេដ្ឋកិច្ចខ្ពស់ ការបង្កើតការងារថ្មីកាន់តែល្អ និងរក្សាការងារដែលមានស្រាប់សំដៅ បន្តទៅការលើកកម្ពស់ជីវភាពរស់នៅ របស់ប្រជាពលរដ្ឋ ឲ្យកាន់តែប្រសើរឡើង។

២៖ បន្តគាំទ្រក្នុងការអនុវត្តគោលនយោបាយជាតិ ស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០១៧-២០២៥ ដើម្បីឈានទៅសម្រេចបាននូវចក្ខុវិស័យ ក្នុងការអភិវឌ្ឍធនធានមនុស្សនៅកម្ពុជា ប្រកបដោយចំណេះដឹង សមត្ថភាព ជំនាញ ឥរិយាបថការងារ សីលធម៌វិជ្ជាជីវៈ ផលិតភាពខ្ពស់ និងមានលក្ខណៈប្រកួតប្រជែង សម្រាប់ការងារពេញមួយជីវិត។

៣៖ បន្តជំរុញលើកទឹកចិត្ត និងបង្កើនការចុះឈ្មោះចូលរៀនជំនាញបច្ចេកទេស និងវិជ្ជាជីវៈ ដើម្បីឲ្យមានចំណេះដឹង ជំនាញច្បាស់លាស់ ឥរិយាបថការងារ និងសីលធម៌វិជ្ជាជីវៈល្អ ដូចដែលប្រធានបទ ទិវាជាតិនេះ បានលើកឡើងថា «TVET បង្កើនផលិតភាពការងារ និងភាពប្រកួតប្រជែងខ្ពស់»។

៤៖ បន្តចាក់វ៉ាក់សាំងដូសជំរុញ (ទី៣ ទី៤ និងទី៥) ឲ្យបានគ្រប់ៗគ្នា ដើម្បីទប់ស្កាត់ការឆ្លងជំងឺកូវីដ-១៩ គ្រប់ប្រភេទ។

៥៖ គ្រប់ស្ថានីយវិទ្យុ ទូរទស្សន៍របស់រដ្ឋ និងឯកជន ព្រមទាំងប្រព័ន្ធផ្សព្វផ្សាយនានា សូមបន្តជួយផ្សព្វផ្សាយ ឲ្យបានទូលំទូលាយ អំពីវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ដើម្បីបង្កើនការយល់ដឹងនូវសារៈសំខាន់នៃវិស័យនេះ ជូនសាធារណជន។

៦៖ ក្រសួង ស្ថាប័នពាក់ព័ន្ធ អាជ្ញាធរគ្រប់លំដាប់ថ្នាក់ សាស្ត្រាចារ្យ លោកគ្រូ អ្នកគ្រូ សិក្ខាកាមសិស្ស និស្សិត មាតាបិតា អាណាព្យាបាល កម្មករនិយោជិត និយោជក ផ្នែកឯកជន អង្គការមិនមែនរដ្ឋាភិបាល ដៃគូអភិវឌ្ឍ និងបងប្អូនជនរួមជាតិទាំងអស់ ចូលរួមសហការផ្សព្វផ្សាយ ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៥ ឆ្នាំ២០២២ ក្រោមប្រធានបទ «TVET បង្កើនផលិតភាពការងារ និង

ភាពប្រកួតប្រជែងខ្ពស់» នេះ ឲ្យបានផុលផុសឱឡារិកអធិកអធមទូទាំងប្រទេស តាមប្រព័ន្ធផ្សព្វផ្សាយនានា។

សូមបញ្ជាក់ថា ទិវាជាតិនេះ រៀបចំឡើងក្នុងគោលបំណងលើកកម្ពស់ ការអប់រំបណ្ដុះបណ្ដាលបច្ចេកទេស និងវិជ្ជាជីវៈ និងធ្វើការផ្សព្វផ្សាយ ទៅដល់សិស្សានុសិស្ស និស្សិត យុវជន មាតាបិតា អាណាព្យាបាល កម្មករនិយោជិត និយោជក និងផ្នែកឯកជន ព្រមទាំងសាធារណជន ឲ្យបានយល់ដឹងកាន់តែច្បាស់អំពីសារៈសំខាន់ នៃការអប់រំបណ្ដុះបណ្ដាលបច្ចេកទេស និងវិជ្ជាជីវៈ ក្នុងការអភិវឌ្ឍកម្លាំងពលកម្ម ជំនាញប្រកបដោយគុណភាព និងប្រសិទ្ធភាព ដើម្បីឆ្លើយតបទៅនឹងតម្រូវការទីផ្សារការងារនៅក្នុងស្រុក និងក្រៅប្រទេស។

សូមជម្រាបថា នៅថ្ងៃទី១៥ ខែមិថុនា ឆ្នាំ២០២២នេះ ក្រសួងការងារ និងបណ្តុះបណ្តាលវិជ្ជាជីវៈ បានរៀបចំទិវាជាតិអប់រំ បណ្តុះបណ្តាលបច្ចេកទេស និងវិជ្ជាជីវៈ លើកទី៥នេះ រៀបចំធ្វើឡើង នៅអគារពិព័រណ៌ពាណិជ្ជកម្មកោះពេជ្រ រាជធានីភ្នំពេញ ចាប់ពីម៉ោង៨ព្រឹក ដល់ម៉ោង៨យប់ ដោយបើកឲ្យចូលរួមទស្សនាដោយសេរី និងឥតគិតថ្លៃ៕

(សូមអានបន្ត)

ផ្លូវ៤ខ្សែមានប្រវែងជិត២០០គីឡូម៉ែត្រ ត្រូវបានជួសជុល និងថែទាំដោយមន្ត្រីជំនាញនៃមន្ទីរសាធារណការ និងដឹកជញ្ជូនខេត្តព្រះវិហារ

ខេត្តព្រះវិហារ៖ ផ្លូវជាតិ និងផ្លូវខេត្ត ៤ខ្សែ មានប្រវែងជិត ២០០គីឡូម៉ែត្រ ដែលរងការខូចខាតជាអន្លើៗ ដោយសារចម្រោះ ទឹកភ្លៀងក្នុងរដូវវស្សានេះ ត្រូវបានធ្វើការជួសជុល ថែទាំ និងកាត់សម្អាតរុក្ខជាតិនៅតាមដងផ្លូវ ដើម្បីសម្រួលដល់ការធ្វើដំណើរ របស់ប្រជាពលរដ្ឋ ដោយមន្ត្រីជំនាញនៃមន្ទីរសាធារណការ និងដឹកជញ្ជូនខេត្តព្រះវិហារ កាលពីថ្ងៃទី១២មិថុនាឆ្នាំ២០២២ នៅក្នុងស្រុក ៣ នៃខេត្តព្រះវិហារ។

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឱ្យដឹងថា ក្រុមមន្ត្រីជំនាញថែទាំផ្លូវ នៃមន្ទីរសាធារណការ និងដឹកជញ្ជូនខេត្ត នៅថ្ងៃទី១២មិថុនាឆ្នាំ២០២២ បានចុះទៅកាន់ស្រុក៣ ក្នុងខេត្ត ដើម្បីបន្តធ្វើការថែទាំផ្លូវ ដែលរងការខូចខាតជាអន្លើៗ ដោយសារទឹកភ្លៀងនារដូវវស្សានេះ ឱ្យបានល្អប្រសើរឡើងវិញ ដើម្បីជួយសម្រួលដល់ការធ្វើដំណើរ​របស់ប្រជាពលរដ្ឋ ក៏ដូចសាធារណជនទូទៅផងដែរ។

លោក សំ លាងទ្រី បានបញ្ជាក់ថា ក្រុមការងារត្រូវបានបែងចែកជា ៤ក្រុម គឺ ក្រុម១ ត្រូវបានចុះជួសជុលផ្លូវខេត្ត មានប្រវែង ១៧គីឡូម៉ែត្រ ដែលនឹងត្រូវក្រាលដីល្បាយថ្ម ចាប់ពីជើងភ្នំទ្រព្យ រហូតមកទល់ ភូមិអង្គ្រង ឃុំជាំក្សាន្ត ស្រុកជាំក្សាន្ត ,ក្រុម២ ចុះថែទាំផ្លូវខេត្តលេខ ២៦៤៩ និង ២PVH៩ ដោយធ្វើការក្រាលកៅស៊ូ DBST និងបានស្រោចកៅស៊ូបិទស្នាមប្រេះ នៅក្នុងស្រុកគូលែន ,ក្រុម៣ បានចុះថែទាំផ្លូវជាតិលេខ ៦២ មានប្រវែង ១៨៩.៣៦ គីឡូម៉ែត្រ ដោយក្រាល DBST ចាប់ពីព្រំប្រទល់ខេត្តកំពង់ធំ និងខេត្តព្រះវិហារ ស្ថិតក្នុងស្រុករវៀង រហូតមកដល់ភូមិគ១ ប្រាសាទព្រះវិហារ ស្ថិតក្នុងស្រុកជាំក្សាន្ត និងក្រុម៤ បានចុះកាត់ស្មៅនៅតាមដងផ្លូវជាតិលេខ ៦៤ បានរួចរាល់ ហើយក៏បានបន្តចុះកាត់សម្អាតរុក្ខជាតិ នៅតាមដងផ្លូវ នៅក្នុងស្រុកគូលែន ខេត្តព្រះវិហារ ថែមទៀតផង។

លោក សំ លាងទ្រី បានបញ្ជាក់ថា ក្រុមការងារមន្ទីរ នឹងបន្តចុះពិនិត្យ ជួសជុល និងថែទាំផ្លូវនានាទៀតក្នុងខេត្ត ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ ឱ្យបានងាយស្រួល បើទោះបីរដូវនេះភ្លៀងធ្លាក់ជោគជាំយ៉ាងណាក៏ដោយ ក៏ក្រុមការងារមន្ទីរ នៅតែបន្តអនុវត្តតាមគោលការណ៍ក្រសួងសាធារណការ និងដឹកជញ្ជូន ដែលមាន ឯកឧត្តមស៊ុន ចាន់ថុល ជារដ្ឋមន្ត្រី និងរដ្ឋបាលខេត្តព្រះវិហារ ដែលដឹកនាំដោយ ឯកឧត្តមប្រាក់ សុវណ្ណ ដែលតែងបានអនុវត្តជាប្រចាំ៕មន្ទីរព័ត៌មានខេត្តព្រះវិហារ:សម្រយលដោយ៖ដារ៉ា

(សូមអានបន្ត)

Posted in: ព័ត៌មានជាតិ