មណ្ឌលគីរី៖ ដើម្បីជួយសម្រួលការលំបាករបស់បងប្អូនប្រជាពលរដ្ឋ ក្នុងអំឡុងពេលកូវីដ-១៩ នាថ្ងៃទី០២ ខែកក្កដា ឆ្នាំ២០២១ ឯកឧត្តម ស្វាយ សំអ៊ាង ប្រធានគណៈកម្មាធិការសាខាកាកបាទក្រហមកម្ពុជាខេត្តមណ្ឌលគិរី បានអញ្ជើញចុះសួរសុខទុក្ខ និងនាំយកអំណោយរបស់សាខាកាកបាទក្រហមកម្ពុជាខេត្ត ចែកជូនដល់ជនចាស់ជរាគ្មានទីពឹង ស្រ្តីមេម៉ាយកូនច្រើន ជនពិការ គ្រួសារទីទ័លក្រ កុមារកំព្រា សរុបចំនួន៥៨គ្រួសារនិងសម្ពោធឱ្យប្រើប្រាស់អណ្តូងទឹកស្អាតចំនួន៣ ដែលជា អំណោយសប្បុរសជន។ ឯកឧត្តម ស្វាយ សំអ៊ាង បានផ្តាំផ្ញើការសួរសុខទុក្ខ ពីសំណាក់សម្តេចកិត្តិព្រឹទ្ធិបណ្ឌិត ប៊ុនរ៉ានី ហ៊ុនសែន ជាប្រធាន ដែលជានិច្ចកាល សម្តេចតែងតែយកចិត្តទុកដាក់គិតគូរពីសុខទុក្ខ និងសុខុមាលភាពរស់នៅរបស់បងប្អូនប្រជាពលរដ្ឋគ្រប់ទីកន្លែង។ ឯកឧត្តម បានបញ្ជាក់ថា អំណោយមនុស្សធម៌កាកបាទក្រហមកម្ពុជា បានមកពីការចូលរួមឧបត្ថម្ភរបស់សប្បុរសជន ដើម្បីប្រមូលធនធានទាំងនេះមកដោះស្រាយបញ្ហាខ្វះខាត និងឆ្លើយតបឱ្យបានទាន់ពេលវេលា ចំពោះតម្រូវការចាំបាច់របស់ប្រជាពលរដ្ឋងាយរងគ្រោះ និងនៅតាមទីជនបទដាច់ស្រយាល។ ឯកឧត្តម ស្វាយ សំអ៊ាង ក្នុងនាមអភិបាលខេត្ត និងជាប្រធានសាខាកាកបាទក្រហមខេត្តមណ្ឌលគិរី បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុន សោម៉ាគ្រុប ដែលបានឧបត្ថម្ភអណ្ដូងទឹកស្អាតចំនួន ៣ ដល់ប្រជាពលរដ្ឋ ដែលខ្វះខាតទឹកស្អាតប្រើប្រាស់នៅតំបន់ជនបទដាច់ស្រយាល ក្នុងស្រុកកោះញែក។ ការជួយឧបត្ថម្ភអណ្ដូងទឹកស្អាតនេះ ពិតជាបានបំពេញទៅតាមតម្រូវការប្រើប្រាស់របស់បងប្អូនប្រជាពលរដ្ឋ ព្រមទាំងកាត់បន្ថយនូវការឆ្លងជម្ងឺ មេរោគផ្សេងៗដោយសារតែការប្រើប្រាស់ទឹកមិនស្អាត។ ឯកឧត្តម ក៏បានណែនាំដល់ប្រជាពលរដ្ឋទាំងអស់ ត្រូវរួមគ្នាទប់ស្កាត់ជំងឺកូវីដ-១៩ក្នុងសហគមន៍ ដោយអនុវត្តតាមវិធានការរបស់រាជរដ្ឋាភិបាល ៣ការពារ ៣កុំ និង ២ចូលរួម ព្រមទាំងវិធានការនានារបស់ក្រសួងសុខាភិបាល និងត្រូវរាយការណ៍ជូនអាជ្ញាធរ ឬមន្ត្រីសុខាភិបាល ក្នុងករណីមានការសង្ស័យកើតជំងឺកូវីដ១៩។ សូមបញ្ជាក់ថា អំណោយមនុស្សធម៌កាកបាទក្រហមកម្ពុជាខេត្តចែកជូនដល់បងប្អូនប្រជាពលរដ្ឋពេលនេះមានចំនួន ៥៨គ្រួសារ ដោយក្នុងមួយគ្រួសារ ទទួលបានអង្ករ ២៥គីឡូ ភួយ១ ក្រមា ១ សាប៊ូ ២ ដុំ ម៉ាស់ ៥ និងថវិកាមួយចំនួន៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOE4wQWc9PSIsImV4cCI6bnVsbCwicHVyIjoiYmxvYl9pZCJ9fQ==--d8480468cf9da07e3d91ff4162f6e2e456ddd08a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/B10AEAAD-3549-4323-84A1-FEB2DB2.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOEowQWc9PSIsImV4cCI6bnVsbCwicHVyIjoiYmxvYl9pZCJ9fQ==--df4a357a1c598492026098c3ef7dc18ddc1e5efe/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/DA732504-7321-44A7-BDBD-8B5A45C.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOFIwQWc9PSIsImV4cCI6bnVsbCwicHVyIjoiYmxvYl9pZCJ9fQ==--849e0de3bc3a2bd36f739d19ea012e701fb639c3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0083149B-D8A6-447F-9871-33E9E68.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOFYwQWc9PSIsImV4cCI6bnVsbCwicHVyIjoiYmxvYl9pZCJ9fQ==--2da7bb88c1df10dc76113f560560daf2da1c3d95/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/63015D78-ED86-467E-BCE5-BFF6E59.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOFowQWc9PSIsImV4cCI6bnVsbCwicHVyIjoiYmxvYl9pZCJ9fQ==--dfb40fadfb85984c84c73e2c436ad1d15f18ccb6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/203AF11E-C382-4544-960C-2C457A9.jpeg)
0 Comments:
Post a Comment