![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1pqQWc9PSIsImV4cCI6bnVsbCwicHVyIjoiYmxvYl9pZCJ9fQ==--b90dd43c02382ddbf573c87b0744c0e1781c5105/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-06-15_09-12-56.jpg)
លោក សឿម ប៊ុនរិទ្ធិ ធ្វើការព្រមានបែបនេះ ធ្វើឡើងក្នុងពិធីផ្សព្វផ្សាយសេចក្តីជូនដំណឹងស្តីពីរដូវបិទនេសាទឆ្នាំ២០២១ ដល់មន្ត្រីជំនាញ អាជ្ញាធរដែនដី និងតំណាងប្រជានេសាទ នៅឃុំកោះជីវាំង ស្រុកឯកភ្នំ ខេត្តបាត់ដំបង ។ លោកបន្តថា រដូវបិទនេសាទសម្រាប់ការនេសាទ នៅក្នុងដែននេសាទទឹកសាប ចាប់ពីថ្ងៃទី០១ ខែមិថុនា ដល់ថ្ងៃទី៣០ ខែកញ្ញា ឆ្នាំ២០២១ ទើបបើកការនេសាទឡើងវិញ។ តែក៏មិនអាចនេសាទដោយសេរីក្នុងតំបន់ហាមឃាត់ឬតំបន់ ដែលរដ្ឋបានធ្វើការអភិរក្សជីវៈចម្រុះនោះទេ ។ សូមឱ្យមន្ត្រីជំនាញ និងអាជ្ញាធរដែនដីចុះផ្សព្វផ្សាយបន្តដល់ប្រជានេសាទទាំងអស់ អំពីរដូវនៃការបិទនេសាទនេះ ហើយអ្វីដែលសំខាន់សូមឱ្យមន្ត្រី និងអាជ្ញាធរ មិនត្រូវយកលុយពីប្រជានេសាទ ជាថ្នូរនឹងការបើកដៃឱ្យមានការប្រព្រឹត្តបទល្មើសនេសាទនោះទេ ហើយសូមឱ្យអ្នកមានការពាក់ព័ន្ធជាមួយជនល្មើសនឹងបទល្មើសនេសាទ និងបទល្មើសកាប់ព្រៃលិចទឹក ត្រូវដកខ្លួនជាបន្ទាន់ ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd2RqQWc9PSIsImV4cCI6bnVsbCwicHVyIjoiYmxvYl9pZCJ9fQ==--31c34dfaa797401dd8fc107d50865b018b3870f6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-06-15_09-13-44.jpg)
លោកអភិបាលរងខេត្ត ក៏បានអំនាវនាវដល់ប្រជានេសាទទាំងអស់ ត្រូវបញ្ឈប់ការកាប់ព្រៃលិចទឹកដើម្បីដាំដំណាំជាបន្ទាន់នោះ ដើម្បីកុំឱ្យមានការបំផ្លិចបំផ្លាញធនធានធម្មជាតិ ជាពិសេសព្រៃលិចទឹក ដែលជាជម្រកត្រីពងកូន កាន់តែរិចរិលទៅពីមួយថ្ងៃទៅមួយថ្ងៃ និងសត្វស្លាប ដែលកំពុងមានវត្តមាននៅក្នុងតំបន់សត្វស្លាប កុំបរបាញ់ដែលនាំឱ្យមានការវិនាសបាត់បង់ ព្រោះតំបន់សត្វស្លាបនេះ គឺជាការទាក់ទាញដល់កំណើនភ្ញៀវទេសចរមកលេងកម្សាន្ត និង ផ្តល់នូវប្រាក់ចំណូលដល់ពួកគាត់ ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1ZqQWc9PSIsImV4cCI6bnVsbCwicHVyIjoiYmxvYl9pZCJ9fQ==--7eae60917f69993e0b64e7255d3aea0462310336/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-06-15_09-14-32.jpg)
(ប្រភពៈរដ្ឋបាលខេត្តបាត់ដំបង)
0 Comments:
Post a Comment