(ភ្នំពេញ)៖ នាព្រឹកថ្ងៃចន្ទ ទី១៤ ខែកញ្ញា ឆ្នាំ២០២០ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ឯកឧត្តមកិត្តិសង្គហបណ្ឌិត ទេព ងន អនុប្រធានទី២ ព្រឹទ្ធសភា សមាជិក សមាជិកាព្រឹទ្ធសភា និងថ្នាក់ដឹកនាំអគ្គលេខាធិការដ្ឋានព្រឹទ្ធសភា បានអញ្ជើញបូជាទៀន ធូប ផ្កាភ្ញី ថ្វាយព្រះរតនត្រ័យ និងនាំយកនូវគ្រឿងឧបភោគ បរិភោគ ចង្ហាន់បិណ្ឌបាត្រ និងបច្ច័យ ចូលរួមក្នុងពិធីបុណ្យកាន់បិណ្ឌវេនទី១២ នៅវត្តគោកពិសីរ័ត្ន ហៅវត្តគោកអំពិល ស្ថិតក្នុងសង្កាត់ជើងឯក ខណ្ឌដង្កោ រាជធានីភ្នំពេញ។![](https://www.information.gov.kh/wp-content/uploads/2020/09/119148953_2726159814331116_8484950448975716426_n.jpg)
![](https://www.information.gov.kh/wp-content/uploads/2020/09/119148953_2726159814331116_8484950448975716426_n.jpg)
នាឱកាសដ៏ថ្លៃថ្លានេះ សម្តេចវិបុលសេនាភក្តី ឯកឧត្តមកិត្តិសង្គហបណ្ឌិត សមាជិក សមាជិកាព្រឹទ្ធសភា និងថ្នាក់ដឹកនាំអគ្គលេខាធិការដ្ឋានព្រឹទ្ធសភាបានអញ្ជើញរាប់បាត្រប្រគេនព្រះសង្ឃ បង្សុកូលដាឆ្លង វេរទេយ្យទាន និងទេយ្យវត្ថុប្រគេនដល់ព្រះសង្ឃ ដើម្បីឧទ្ទិសកុសលផលបុណ្យដែលកើតពីសទ្ធាជ្រះថ្លាទាំងនេះ ជូនចំពោះញាតិការទាំងប្រាំពីរសន្តាន ឥស្សរជន និងយុទ្ធជនដែលបានពលីជីវិតដើម្បីជាតិមាតុភូមិ ជាពិសេសដល់ដួងវិញាណក្ខន្ធសម្តេចអគ្គមហាធម្មពោធិសាល ជា ស៊ីម លោកជំទាវ ញ៉ែម សឿន ជា ស៊ីម បានទទួលមរណកាលទៅកាន់លោកខាងមុខទៅហើយនោះ សូមឱ្យជួបប្រកបតែវិបុលសុខគ្រប់ប្រការ និងទៅកាន់សុខគតិភពកុំបីឃ្លៀងឃ្លាតឡើយ៕![](https://www.information.gov.kh/wp-content/uploads/2020/09/119487579_2726160094331088_4744596625986329459_n.jpg)
![](https://www.information.gov.kh/wp-content/uploads/2020/09/119479664_2726160040997760_7834786023025448185_n.jpg)
![](https://www.information.gov.kh/wp-content/uploads/2020/09/119516469_2726159920997772_8121444300104624141_n.jpg)
![](https://www.information.gov.kh/wp-content/uploads/2020/09/119098166_2726159887664442_4847628810463788660_n.jpg)
![](https://www.information.gov.kh/wp-content/uploads/2020/09/119139415_2726159850997779_1855424010191220035_n.jpg)
![](https://www.information.gov.kh/wp-content/uploads/2020/09/119487579_2726160094331088_4744596625986329459_n.jpg)
![](https://www.information.gov.kh/wp-content/uploads/2020/09/119479664_2726160040997760_7834786023025448185_n.jpg)
![](https://www.information.gov.kh/wp-content/uploads/2020/09/119516469_2726159920997772_8121444300104624141_n.jpg)
![](https://www.information.gov.kh/wp-content/uploads/2020/09/119098166_2726159887664442_4847628810463788660_n.jpg)
![](https://www.information.gov.kh/wp-content/uploads/2020/09/119139415_2726159850997779_1855424010191220035_n.jpg)
0 Comments:
Post a Comment