-->
សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3

 

សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3

សម្តេចពិជ័យសេនា ទៀ បាញ់៖ ក្រុមគ្រូពេទ្យរបស់កងទ័ព ចំនួន៣៥០នាក់ សុទ្ធតែមាន​ជំនាញ​បានត្រៀមខ្លួនរួចជាស្រេចដើម្បីចូលរួមព្យាបាលអ្នកជំងឺកូវីដ-១៩

ចំនួនអ្នកទស្សនា: Views

 


ភ្នំពេញ: ថ្ងៃទី២០ ខែមីនា ឆ្នាំ២០២១ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានគូស​បញ្ជាក់​ថា ក្រុមវេជ្ជបណ្ឌិត ក្រុមគ្រូពេទ្យរបស់កងទ័ពចំនួន៣៥០នាក់ សុទ្ធតែមានជំនាញបានត្រៀម ខ្លួនរួចជាស្រេច ដើម្បីទទួលនូវបទបញ្ជារបស់សម្តេចតេជោ ហ៊ុន សែន ក្នុងការចូលរួម​ព្យា​បាល​​អ្នកជំងឺកូវីដ-១៩។ ការលើកឡើងរបស់សម្តេចពិជ័យសេនា ទៀ បាញ់ បានធ្វើឡើង​ក្នុង​ឱកាសដែលសម្តេចបានផ្តល់បទសម្ភាសន៍ដល់ក្រុមអ្នកសារព័ត៌មានកាលពីថ្ងៃទី១៩ ខែមីនា ឆ្នាំ២០២១ក្នុងឱកាសសម្តេចអមដំណើរសម្តេចតជោ ហ៊ុន សែន អញ្ជើញពិនិត្យមើលដំណើរ​ការជួសជុលកែលម្អស្តូបព្រះបរមរូបព្រះបរមរតនកោដ្ឋ និងបន្តចុះទៅពិនិត្យមន្ទីរពេទ្យ​នគរ​ទេព ដែលជាមន្ទីរពេទ្យសម្រាប់ព្យាបាលអ្នកជំងឺកូវីដ-១៩។

សម្តេចពិជ័យសេនា ទៀ បាញ់ បានអះអាងថា “តាមបទបញ្ជា និងការណែនាំរបស់ សម្តេចតេជោ ហ៊ុន សែន មុននេះគឺយើងខ្ញុំទាំងអស់គ្នាបានរៀបចំទទួលភារកិច្ច​ដ៏មានសារៈ​សំខាន់របស់ប្រទេសជាតិយើង ឥឡូវនេះគឺជាជំហានដំបូង ក្រុមការងារក៏ដូចជាក្រុមសម្រប​សម្រួល គណៈគ្រប់គ្រងចំនួនក្រុមវេជ្ជបណ្ឌិត បុគ្គលិកពេទ្យ គឺបានរៀបចំរួចរាល់អស់​ហើយ”។ សម្ដេចពិជ័យសេនាបានបន្ដថា សមត្ថភាពរបស់ក្រុមវេជ្ជ​បណ្ឌិត​កងទ័ព ដែលបណ្តុះ​បណ្តាលកន្លងមកអាចធានារ៉ាប់រងតាមបទបញ្ជារបស់សម្តេចតេជោ ហ៊ុន សែន នឹងអាច​បំពេញ​បាន​យ៉ាងល្អនាពេលខាងមុខនេះ។ សម្តេចពិជ័យសេនាបានបញ្ជាក់ថា ក្រុមវេជ្ជបណ្ឌិត ក្រុមគ្រូពេទ្យ របស់កងទ័ពដែលបានរៀបចំរួចរាល់ ដើម្បីត្រៀមទទួលនូវបទបញ្ជារបស់ សម្តេច​តេជោ ហ៊ុន សែន មានចំនួន៣៥០ នាក់ ត្រូវបានរៀបចំចំនួន ៣០ ក្រុមជាជំហាន​ដំបូង ប៉ុន្តែសម្រាប់ក្រុមដំបូង គឺមកតាមតម្រូវការ។

សម្តេចពិជ័យសេនា ទៀ បាញ់ បានបញ្ជាក់ថា ក្រុមវេជ្ជបណ្ឌិត និងក្រុមគ្រូពេទ្យកងទ័ព គឺសុទ្ធ តែទទួលបានការបណ្តុះបណ្តាលជំនាញយ៉ាងច្បាស់លាស់ ដោយមានការជួយ​ជ្រោម​ជ្រែងពីសំណាក់ក្រុមវេជ្ជបណ្ឌិតរបស់ក្រសួងសុខាភិបាល ដែលសុទ្ធតែមានបទពិសោធន៍​ព្យាបាលជំងឺកូវីដ-១៩ កន្លង មកនេះ។ សម្តេចពិជ័យសេនាបានបន្ថែមថា សម្រាប់បណ្តុះ​បណ្តាលដល់ក្រុមវេជ្ជបណ្ឌិត និងក្រុមគ្រូពេទ្យកងទ័ពលើមុខជំនាញព្យាបាលជំងឺកូវីដ-១៩ មក​​ដល់ពេល នេះមិនទាន់បានបញ្ចប់នៅឡើយទេ ខណៈនៅប៉ុន្មានថ្ងៃខាងនេះ​នឹងមានបើក​វគ្គបណ្តុះ បណ្តាលបន្ថែមទៀត ព្រោះកន្លងមកក្រុមវេជ្ជបណ្ឌិតរបស់ កងទ័ពមិនទាន់មានបទ ពិសោធន៍ខ្លាំងនៅឡើយទេចំពោះការគ្រប់គ្រង និងព្យាបាលជំងឺកូវីដ-១៩នោះទេ។

សូមរម្លឹកថា កាលពីថ្ងៃទី១០ ខែមីនា ឆ្នាំ២០២០ សម្តេចតេជោ ហ៊ុន សែន បានបញ្ជា​ឱ្យយកសណ្ឋាគារចំនួនពីរ នៅរាជធានីភ្នំពេញ ដើម្បីធ្វើជាមន្ទីរពេទ្យដើម្បីព្យាបាលអ្នក​ជំងឺ​កូវីដ១៩។ ការគ្រប់គ្រងមន្ទីរពេទ្យនេះ ត្រូវប្រគល់ឱ្យកងទ័ពរៀបចំ និងគ្រប់គ្រង ដោយប្រើ​ប្រាស់គ្រូពេទ្យ និងវេជ្ជបណ្ឌិតកងទ័ព ហើយកម្លាំងសល់ពីនោះ ក៏ត្រូវរៀបចំ ដើម្បីត្រៀម​អន្តរា​គមន៍ ទៅកាន់គោលដៅ ដែលមានហានិភ័យខ្ពស់។កម្លាំងគ្រូពេទ្យកងទ័ព ក៏ត្រូវប្រគល់ជូន​មេបញ្ជាការកងទ័ពជើងគោកគ្រប់គ្រង និងដឹកនាំ ចាត់ចែង និងប្រើប្រាស់។ ទន្ទឹមនេះ សម្តេចតេជោ ហ៊ុន សែន ក៏បានណែនាំទៅ រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រៀបចំផ្គត់​ផ្គង់របបឧបត្ថម្ភដល់ក្រុមប្រតិបត្តិការនេះផងដែរ៕ដោយ រិទ្ធី ប្រភព៖ ក្រសួងការពារជាតិ

0 Comments:

Post a Comment

 
រក្សាសិទ្ធិ: © 2022. MCNTVONLINE -រក្សាសិទ្ទិគ្រប់យ៉ាង រចនាដោយ: WEBSITE ចាងហ្វាងការផ្សាយស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 077 937 377 - 097 338 - 2133 - 010 767 745 ។
Design by Wordpress Theme | Bloggerized by Free Blogger Templates | coupon codes