សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3

 

សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3


ថ្ងៃចេញផ្សាយ : Tuesday, October 13, 2020

មេ​បញ្ជាការ​កង​ទ័ព​ជើង​គោក​ បាន​ដាក់​បទ​បញ្ជា​ឱ្យ​បណ្តា​អង្គភាព​ចំណុះ​កង​ទ័ព​ជើង​គោក ​រៀប​ចំ​កម្លាំង​​ មធ្យោបាយ ​សម្ភារៈ​ ដើម្បី​ចុះ​ប្រតិបត្តិការ​ជួយ​សង្គ្រោះ​ប្រជាពល​រដ្ឋ​រង​គ្រោះ​ដោយ​ជំនន់​ទឹក​ភ្លៀង​


អ្នកនិពន្ធ :




ឯកឧត្តម​ ឧត្តម​សេនីយ​ឯក​ ហ៊ុន​ ម៉ា​ណែត ​អគ្គ​មេ​បញ្ជាការរង​ នៃ​កង​យោធ​ពលខេមរ​ភូមិន្ទ​ មេ​បញ្ជាការ​កង​ទ័ព​ជើ​ងគោ​ក បាន​ដាក់​បទ​បញ្ជា​ឱ្យ​បណ្តា​អង្គភា​ពចំណុះ​កង​ទ័ព​ជើង​គោក​ ត្រៀម​លក្ខណៈ​កម្លាំង ​មធ្យោបាយ​ និង​សម្ភារៈ​ ដើម្បី​ចូល​ប្រតិបត្តិការ​ជួយ​សង្គ្រោះ​ប្រជាពល​រដ្ឋ​រង​គ្រោះ​ដោយ​ទឹក​ជំនន់​ នៅ​ក្នុង​ភូមិ​សាស្ត្រ​ទទួល​ខុស​ត្រូវ​របស់​ខ្លួន​ឲ្យ​បាន​ទាន់​ពេល​វេលា​។​​

ជាក់ស្ដែងនៅ​ក្នុង​រយៈ​ពេល​ប៉ុន្មាន​ថ្ងៃ​នេះ ​បណ្ដា​អង្គភាព​នៅ​ក្នុង​ភូមិ​សាស្ត្រ​ខេត្ត​ ដែល​ទទួលរ​ង​នូវ​ជំនន់​ទឹកភ្លៀង​រួម​មាន៖​ ​បញ្ជាការ​ដ្ឋាន​យោធ​ភូមិភា​គទី​ ៥​ កង​ពល​តូច​ថ្មើរ​ជើង​លេខ​ ៥១​, ៥២, ៥៣​ កង​ពល​តូច​អន្ត​រាគមន៍​លេខ ១៤​ តំបន់​ប្រតិបត្តិការ​សឹក​រ​ងបាត់​ដំបង​, ពោធិ៍សាត់​,​ ប៉ៃលិន​, ​កង​ការពា​រព្រំ​ដែន​លេខ ​៥០២ និង​លេខ​ ៥០៣​ បាន​ចុះ​ជួយ​ប្រជាពល​រដ្ឋ​នៅ​ក្នុ​ង​ភូមិ​សាស្ត្រ​ខេត្ត​បន្ទាយ​មាន​ជ័យ​,​ ប៉ៃលិន​, បាត់​ដំបង​ និងពោធិ៍​សាត់​ ដោយ​ប្រើ​កម្លាំង ​មធ្យោបាយ​សម្ភារៈ​ និង​រថយន្ត​យោធា​ថ្មី​ ដែល​សម្តេច​តេជោ ​បាន​ផ្តល់​ជូន​តាមបណ្តា​អង្គភាព​ទ័ព​ ដើម្បី​ចេញ​ប្រតិបត្តិការ​ជួយ​សង្គ្រោះ ​ដឹក​ជញ្ជូន​ប្រជាពល​រដ្ឋ​រង​គ្រោះ​ដោយ​ជំនន់​ទឹក​ភ្លៀង​នេះ ​បាន​ទៅ​កាន់​ទីទួល​សុវត្ថិភាព​ឱ្យ​បាន​ទាន់​ពេល​វេលា​។

នៅ​ក្នុង​នោះផ​ង​ដែរ​ ឯកឧត្តម​ មេ​បញ្ជាការ​កង​ទ័ព​ជើង​គោក​ បាន​ដាក់​ចេញ​នូវ​បទ​បញ្ជា​ឱ្យ​កម្លាំង​អន្ត​រាគមន៍​របស់​បញ្ជា​ការ​ដ្ឋាន​ទ័ព​ពិសេស​ ៩១១​ បញ្ជូន​អូប័រ ​កាណូត ចំ​នួន ២០​គ្រឿង ​និង​កង​ពល​តូច​ដឹក​ជញ្ជូន​លេខ​ ៩០​ រថយន្ត​ជាង ៣០​ គ្រឿង ​ដើម្បី​ចូល​រួម​ក្នុង​ប្រតិបត្តិការ​ជួយ​សង្គ្រោះ​ប្រជាពលរដ្ឋ​នៅ​តាម​គោល​ដៅដែល​ទទួល​រង​នូវ​ជំន​ន់ទឹក​ភ្លៀង​នេះ ​ដើម្បី​ធានា​សុវត្ថិភាព​ដល់​បង​ប្អូន​ប្រជាពលរដ្ឋ​ទាំង​អស់​គ្នា​។​

ឯកឧត្តម​ ក៏​បាន​ថ្លែង​អំណរ​គុណ ​និង​កោត​សរសើរ​ចំពោះ​នាយ​ទាហាន ​នាយ​ទាហាន​រង​ ពល​ទាហាន​នៅ​តាម​បណ្តា​អង្គភាព​ចំណុះ​យោធ​ភូមិ​ភាគ​ទី ៥​ ដែល​រួម​មាន​តំបន់​ប្រតិបត្តិការ​សឹក​រង​ពោធិ៍​សាត់​ បាត់​ដំបង បន្ទាយ​មាន​ជ័យ​ កង​ព​លតូច​ថ្មើរជើង​លេខ​ ៥១ ៥២ ៥៣​ និង​កង​ពល​តូច​អន្តរាគមន៍​លេខ ​១៤​ ដែល​បាន​ចាត់​កម្លាំង​មធ្យោបាយ ​និង​សម្ភា​រៈចុះជួយ​ប្រជាពលរដ្ឋ​បាន​ទាន់​ពេល​វេលា​ នៅ​ក្នុង​ភូមិ​សាស្ត្រ​ទទួល​ខុស​ត្រូវ​របស់​ខ្លួន​ ឯកឧត្តម​ ក៏​បាន​អំពាវ​នាវ​ឲ្យប្រជាព​ល​រដ្ឋ​យក​ចិត្ត​ទុក​ដាក់​ថែ​រក្សា​កូន​ចៅកុ​មារ​តូច​ៗ​ និង​ថែរក្សាការ​ពារ​សុខភាព​ពីជំ​ងឺ​ផ្សេង​ៗ​។

 សូមបញ្ជាក់​ជូន​ផង​ដែរ​ថា​៖ ការ​អន្តរាគមន៍​ជួយ​សង្គ្រោះ​ប្រជាពល​រដ្ឋ​នៅ​ពេល​នេះ មិន​ទាន់​បញ្ចប់​ត្រឹម​ប៉ុណ្ណឹងនោះ​ទេ​ ដ៏រាប​ណាភ្លៀ​ង​នៅតែ​បន្ត​ធ្លាក់​ចុះ​ខ្លាំង​ ប្រជា​ពលរដ្ឋ​នៅ​តែ​មាន​ការ​ប្រឈមនឹ​ង​គ្រោះ​ថ្នា​ក់ កង​ទ័ព​គឺនៅតែ​រួម​សុខ​ទុក្ខ​ជា​មួយ​ប្រជា​ពលរដ្ឋ​ ដោយ​មិន​រុញរា ​ដើម្បីរួម​គ្នា​ជួយ​សង្គ្រោះ ​គឺ​មិន​ទុក​ឲ្យ​ប្រជាពល​រដ្ឋ​ណាម្នាក់​រង​គ្រោះ​ដោយ​គ្មាន​អ្ន​ក​ជួយ​ជា​ដាច់​ខាត​ ៕


Tuesday, October 13, 2020
Stumble
Delicious
Twitter
Facebook

0 Comments:

Post a Comment

Popular Posts

ព័ត៌មានជាតិ និង អន្តរជាតិ ប្រចាំថ្ងៃ