រាជធានីភ្នំពេញ៖ លោក ម៉េត មាស ភក្តី អ្នកនាំពាក្យរដ្ឋបាលរាជធានីភ្នំពេញ បានឱ្យដឹងនៅល្ងាចថ្ងៃទី០២ ខែមេសានេះថា យប់ថ្ងៃទី២នេះ គណៈបញ្ជាការឯកភាពគ្រប់ខណ្ឌ ដោយមានកិច្ចសហប្រតិបត្តិការ ពីកងកម្លាំងនគរបាល និងកងរាជអាវុធហត្ថ នឹងចុះអនុវត្តបំរាមគោចរ ដែលហាមឃាត់ការធ្វើដំណើរ ចាប់ពីម៉ោង៨យប់ ដល់ម៉ោង៥ភ្លឺ រយៈពេល១៤ថ្ងៃ ក្នុងភូមិសាស្ត្ររាជធានីភ្នំពេញ ។
លោកបន្តថា ការអនុវត្តវិធានការនេះ សមត្ថកិច្ចនឹងមិនមានការលេីកលែងឡេីយ ទៅតាមអ្វីដែលសេចក្តីសម្រេចបានចេញរួចហេីយ ។
លោកថា ការអនុវត្តថ្ងៃទី១ឃើញថា បងប្អូនប្រជាពលរដ្ឋពិតជាមានការយល់ដឹង សហការ និងចូលរួម អនុវត្តមានរបៀបរៀបរយ និងសណ្តាប់ធ្នាប់ល្អរហូតដល់ប្រមាណ៩០% ។ លោកថា រដ្ឋបាលរាជធានីភ្នំពេញ មានសង្ឃឹមថា នៅថ្ងៃទី២នៃការចេញសេចក្តីសម្រេច ហេីយក៏ជាថ្ងៃទី១នៃការចាប់ផ្តេីម អនុវត្តវិធានការបម្រាមគោចរនេះ បងប្អូនប្រជាពលរដ្ឋនឹងបន្តសហការ និងចូលរួមគ្រប់ៗគ្នា។
សូមបញ្ជាក់ថា អ្នកធ្វេីដំណេីរល្មេីសបម្រាម ត្រូវដកហូតមធ្យោបាយ រួចត្រូវឱ្យម្ចាស់ធ្វើចត្តាឡីស័ករយៈពេល១៤ថ្ងៃនៅផ្ទះរៀងៗខ្លូន គ្រប់១៤ថ្ងៃទេីបឱ្យទទួលមធ្យោបាយទៅវិញ ។ ក្នុងករណីអ្នកល្មេីសបម្រាមក្នុងការធ្វេីចត្តាឡីសក័ទៀត នឹងត្រូវអនុវត្តការផាកពិន័យបន្តទៀត។
នៅយប់ថ្ងៃទី០២ខែមេសានេះ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ បានចុះត្រួត
ពិនិត្យនៅតាមទីតាំងរបស់គណៈបញ្ជាការឯកភាពខណ្ឌនីមួយៗ នៅទូទាំងរាជធានី ។
ជាដំបូង ឯកឧត្ដម ឃួង ស្រេង ចុះត្រួតពិនិត្យគោលដៅនាគបាញ់ទឹកវិមានឯករាជ្យ និងបន្តទៅគោលដៅផ្សេងទៀត នៅក្នុងរាជធានីភ្នំពេញ ខណៈដែលបងប្អូនប្រជាពលរដ្ឋជាង៩០ភាគរយហើយ ដែលបានអនុវត្តតាមបំរាមគោចរនេះ៕
វិទ្យុជាតិកម្ពុជា៖ ដោយ លោក ចន ណារិទ្ធ
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMzhkQWc9PSIsImV4cCI6bnVsbCwicHVyIjoiYmxvYl9pZCJ9fQ==--1e0dffcb3178d6b22b4e94363210649b248395ff/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/D9DE2DF2-4A40-47B8-83A3-345AEEA.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM3dkQWc9PSIsImV4cCI6bnVsbCwicHVyIjoiYmxvYl9pZCJ9fQ==--02771962bd8bd8e83191e6f6b0847f9e246df706/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/F780A8F7-C6BC-48F8-8C70-8814F7E.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM3NkQWc9PSIsImV4cCI6bnVsbCwicHVyIjoiYmxvYl9pZCJ9fQ==--3bb188a9c4077790523f90a75fda634ffaeeb012/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/C5120213-BB2C-4BD7-A502-41A3CC0.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMzBkQWc9PSIsImV4cCI6bnVsbCwicHVyIjoiYmxvYl9pZCJ9fQ==--7da643c45b6d54b3a28ca247c36ef30e6b4ea266/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FD711B6C-01A0-45D7-809D-7B06FDE.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMzRkQWc9PSIsImV4cCI6bnVsbCwicHVyIjoiYmxvYl9pZCJ9fQ==--9aa1fbcfa85f7c1345b87d519d06020e5e4619e5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/F20B4186-0805-497B-B1EB-9E1197B.jpeg)
0 Comments:
Post a Comment