សប្តាហ៍ ភ្លៀងធ្លាក់លាយខ្យល់កន្ត្រាក់ ត្រូវប្រុងប្រយ័ត្ ~ MCNTVONLINE

ភ្នំពេញៈ នៅអំឡុងពីថ្ងៃទី ៧-១៣ ខែមេសា ប្រទេសកម្ពុជា ទទួលរងឥទ្ធិពល ពីជ្រលងនៃសម្ពាធទាបឥណ្ឌា និងខ្យល់អាគ្នេយ៍ បក់មកពីសមុទ្រចិនខាងត្បូងធ្វើឱ្យមាន ភ្លៀងធ្លាក់ ជាបន្តបន្ទាប់ ក្នុងកម្រិតពីតិច ទៅច្រើន ជាមួយបាតុភូតផ្គរ រន្ទះ និងខ្យល់កន្ត្រាក់។

ក្រសួងធនធានទឹក និងឧតុនិយម នៅថ្ងៃទី៦ ខែមេសា ឆ្នាំ២០២១ បានជូនដំណឹង ស្តីពីស្ថានភាពអាកាសធាតុ សម្រាប់ពីថ្ងៃទី ៧-១៣ ខែមេសាថា ព្រះរាជាណា ចក្រកម្ពុជា នៅចន្លោះពេលនេះ ទទួលរងឥទ្ធិពល ពីជ្រលង នៃសម្ពាធទាបឥណ្ឌា និងខ្យល់អាគ្នេយ៍ បក់ពីសមុទ្រចិនខាងត្បូង ដែលធ្វើឱ្យបណ្តាខេត្ត នៅតំបន់ វាលទំនាបកណ្តាល មានសីតុណ្ហភាព អប្បបរមា ពី ២៤-២៦ អង្សាសេ , សីតុណ្ហភាព អតិបរមា មានពី ៣៣-៣៥ អង្សាសេ , អាចមានភ្លៀង ក្នុងកម្រិតពីមធ្យម ទៅបង្គួរ ក្នុងនោះផ្នែកខ្លះ អាចមានភ្លៀងច្រើន។

នៅក្នុងសេចក្តីជូនដំណឹង ស្តីពីការព្យាករអាកាសធាតុនេះ សរសេរទៀតថាៈ បណ្តាខេត្ត ជាប់ជួរភ្នំដងរែក និងខ្ពង់រាបឦសាន មានសីតុណ្ហភាព អប្បបរមា ពី ២៤ -២៦ អង្សាសេ, សីតុណ្ហភាព អតិបរមា មានពី ៣៤-៣៦ អង្សាសេ អាចមានភ្លៀង ក្នុងកម្រិតពីខ្សោយ ទៅមធ្យម។

សម្រាប់តំបន់មាត់សមុទ្រ មានសីតុណ្ហភាព អប្បបរមា ពី ២៤-២៦ អង្សាសេសីតុណ្ហភាព អតិបរមា មានពី ៣២-៣៤ អង្សាសេ អាចមានភ្លៀងធ្លាក់ ពីមធ្យមទៅ ច្រើន។

ក្នុងសេចក្តីជូនដំណឹង ខាងលើ ក្រៅពីជម្រាបជូនសាធារណជន ឱ្យបានជ្រាបជាព័ត៌មាន ក៏បានអំពាវនាវ ឱ្យមានការប្រុងប្រយ័ត្ន ចំពោះបាតុភូតផ្គរ រន្ទះ និងខ្យល់កន្ត្រាក់ដែលអាច កើតមាន ជាពិសេសនៅបណ្ដាខេត្ត នៅភាគពាយ័ព្យ៕