ស្ទឹងត្រែង៖ មន្ត្រីជំនាញនៃ មន្ទីរទេសចរណ៏និងមន្ទីរវប្បធម៌និងវិចិត្រសិល្បៈខេត្តស្ទឹងត្រែងរួមគ្នាចុះពិនិត្យតំបន់សក្តានុពលធម្មជាតិនៅឃុំក្បាលរមាស ស្រុកសេសាន បន្ទាប់មានការស្នើសុំពីបងប្អូន ជនជាតិព្នង ឱ្យជួយរៀបចំជា រមណីយដ្ឋានធម្មជាតិទេស ចរណ៍បែបវប្បធម៌នៅឆ្នាំ ២០២១នេះ។
ក្នុងឱកាសចុះពិនិត្យធន ធានធម្មជាតិនៅក្នុងបរិវេណវត្តក្បាលរមាសថ្មី នៅថ្ងៃទី២៦ មករាឆ្នាំ២០២១នេះ លោកស្រីញើច សារឿនប្រធានស្តីទី មន្ទីរវប្បធម៌និងវិចិត្រសិល្បៈខេត្តបានគាំទ្រចំពោះការស្នើឡើងនេះ ហើយក្នុងនាមស្ថាប័នពាក់ព័ន្ធលោកស្រីនឹងធ្វើលិខិតជាផ្លូវការស្នើសុំទៅអាជ្ញាធរខេត្តដើម្បីសុំការឯកភាព។
លោកស្រី ស្នើឱ្យអាជ្ញាធរភូមិឃុំនិងប្រជាពលរដ្ឋ ត្រូវសម្អាតទីធ្លានេះ ឱ្យបានស្អាត ចំណែកសម្បត្តិធម្មជាតិពាក់ព័ន្ធ ត្រូវរក្សាទុក ដូចជាថ្មធំៗ ដើមឈើធំមានម្លប់ និងធនធានផ្សេងៗទៀត សម្រាប់ទុកតុបតែងលំអទាក់ ទាញភ្ញៀវទេសចរឱ្យមកទស្សនា ។
លោកអ៊ន ប៉ោសឿនប្រធានមន្ទីរទេសចរណ៍ខេត្តស្ទឹង ត្រែងបានបញ្ជាក់ថា សក្តានុពលនេះអាចរៀបចំជារមណីយដ្ឋានទេសចរណ៍ បែបវប្បធម៌ធម្មជាតិបាន ព្រោះមានវត្តអារាមផង មានដុំថ្មធំៗខ្លះត្រួតគ្នាហាក់បីដូចជាមរតកនៅសេសសល់ពីដូនតាយើងជំនាន់ដើមមក ។
លោកបន្តថា ការងារអភិវឌ្ឍន៏រមណីយដ្ឋាននេះ មន្ទីទេសចរណ៏នឹងជួយផ្តល់ជាបច្ចេក ទេស រៀបចំឱ្យត្រូវទៅតាមស្តង់ដារ តាមបែបវប្បធម៌ជនជាតិ។
លោក គ្រុ យូរ ជនជាតិព្នងជាមេភូមិក្បាលរមាស បានបញ្ជាក់ថា ទីកន្លែងនេះ (ដុំថ្មធំៗ)ជាទីតាំងប្រវត្តិសាស្ត្ររបស់បងប្អូនជនជាតិព្នង ក្នុងសម័យដើម ទៅណាមកណាតែងនាំគ្នាមកធ្វើការបន់ស្រន់សុំសេចក្តីសុខ ជាពិសេសនៅពេលពួកគាត់ចេញទៅរកឃ្មុំព្រៃជាដើម។
លោកបន្តថា មកដល់បច្ចុប្បន្ននេះបងប្អូនជនជាតិ ចាត់ទុកសម្បត្តិធម្មជាតិទាំងនេះ មានសក្តានុពលបំរើឱ្យវិស័យទេស ចរណ៍ ហើយកំពុងត្រូវបាននាំគ្នាធ្វើការអភិរក្សព្រោះចង់ ឱ្យមានអភិវឌ្ឍធ្វើជាកន្លែងទេសចរណ៏ធម្មជាតិបែបវប្បធម៌។
សូមបញ្ជាក់ថា តំបន់វប្បធម៌បែបប្រវត្តិសាស្ត្រនេះ ស្ថិតនៅតាមបណ្តោយផ្លូវជាតិលេខ ៧៨ស្ទឹងត្រែង-រតនគីរី នៅ ក្នុងភូមិក្បាលរមាសថ្មី មានចំងាយពីទីរួមខេត្តស្ទឹងត្រែងប្រមាណជាង៧០គីឡូម៉ែត្រ៕
អត្ថបទលោកគឹមហឿន:សម្រួលការផ្សាយ:mcntvonline
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWJIQVE9PSIsImV4cCI6bnVsbCwicHVyIjoiYmxvYl9pZCJ9fQ==--5aaacc4661045ac118c80e6eaabe146fcde56794/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/6BE9C7A8-5EF8-4D87-A897-C6BB562.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNVhIQVE9PSIsImV4cCI6bnVsbCwicHVyIjoiYmxvYl9pZCJ9fQ==--cec99377e14880d6ae25568aea339b80e7285416/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/A379569F-B86A-4826-BC89-5E9F276.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWZIQVE9PSIsImV4cCI6bnVsbCwicHVyIjoiYmxvYl9pZCJ9fQ==--d5561f919b8c19ce1e38dd8028f6abe87ddc2f2f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0AB7473B-B680-4F1E-AD0F-BA3064D.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWpIQVE9PSIsImV4cCI6bnVsbCwicHVyIjoiYmxvYl9pZCJ9fQ==--2fa5b7cfb278f939a31f687f19ac36af189f3233/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/BA982DA2-E121-4D71-8046-2AE36D4.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXJIQVE9PSIsImV4cCI6bnVsbCwicHVyIjoiYmxvYl9pZCJ9fQ==--02f768699f1ccf23a7d34bea1c9c11206c0d2966/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/7DA2C2CD-629A-4A9A-A917-CA61FD4.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNW5IQVE9PSIsImV4cCI6bnVsbCwicHVyIjoiYmxvYl9pZCJ9fQ==--c0068f6306361bd795e39c11fc1f188ab727b7d2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/65B9EE4E-89CD-422E-910C-BBE7739.jpeg)
0 Comments:
Post a Comment