-->
សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3

 

សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3

ក្រុមហ៊ុន​មួយ កាយ​ដី​លក់ ប៉ះពាល់​ដី​ចំណីផ្លូវ និង​ដី​ចំណី​អូរ អាជ្ញាធរ​ឃុំ និង​ស្រុក ឆ្លើយថា​មិនដឹង​

ចំនួនអ្នកទស្សនា: Views




 កំពង់ឆ្នាំងៈ ដី​ចំណី​ផ្លូវលំ និង​ដី​ចំណី​អូរ មួយកន្លែង ស្ថិតនៅ​ក្នុងភូមិ ទឹកល្អក់ ឃុំ​ទឹក​ហូត ស្រុក​រលាប្អៀរ ត្រូវបាន​ក្រុមហ៊ុន​ឯកជន​មួយ កកាយ​យក​ដី ទៅ​ចាក់​បំពេញ​ដី ទីតាំង​ពុះ​ដី​ឡូ​ត៌​ឯកជន​១ ដែល​ធ្វើឱ្យប៉ះពាល់ យ៉ាងធ្ងន់ធ្ងរ ដល់​ចំណីផ្លូវ និង​ចំណី​អូរ​របស់​រដ្ឋ​។ ប៉ុន្តែ​នៅពេល​ក្រុម​អ្នកសារព័ត៌មាន សាកសួរ​ទៅ លោក​មេឃុំ លោក​អភិបាលរង​ស្រុក និង​លោក​អភិបាល ស្រុក​រលាប្អៀរ សុទ្ធតែ​បាន​ឆ្លើយ​បដិសេធថា មិនបាន​ដឹង ដែលជា​ហេតុ​ឲ្យ ក្រុមហ៊ុន​មួយ​នេះ កកាយ​យក​ដី ប៉ះពាល់​ដី​ចំណីផ្លូវ និង​ចំណី​អូរ យ៉ាង​អនាធិបតេយ្យ ដោយ​ពុំមាន​សមត្ថកិច្ច​ណា ចុះ​ទប់ស្កាត់​នោះឡើយ​។​

​ប្រជាពលរដ្ឋ ដែល​រស់នៅ​ភូមិ​ទឹកល្អក់ បាន​រាយការណ៍ នៅ​ល្ងាច​ថ្ងៃទី ២៨ មករា កន្លងទៅ ហើយ អ្នកសារព័ត៌មាន របស់​យើង បាន​ចុះទៅពិនិត្យ នៅ​ចំណុច​ខាងលើ​នោះ​ក៏បាន ប្រទះឃើញ នៅជាប់​ដី​ចំណី​ផ្លូវលំ មួយកន្លែង នៅ​ចំងាយ​ប្រមាណ ពី ៦ ទៅ ៧ ម៉ែត្រ ពី​ចំណីផ្លូវ ត្រូវបាន​ក្រុមហ៊ុន ង៉ែត សុ​ម៉ាលី នៅ​ផ្សារ​ព្រៃ​ខ្មែរ​កកាយ​យក​ដីស្រែ យ៉ាងជ្រៅ យក​អាចម៍ដី ទៅ​លក់​ចាក់​បំពេញ លើ​ទីតាំង​ដី​ឡូ​ត៌​របស់ខ្លួន នៅក្នុង​ភូមិ​ទឹកល្អក់​។

​ដោយឡែក នៅ​ល្ងាច​ថ្ងៃ​ដដែល​នេះ យើង​ក៏បាន​ប្រទះឃើញ អា​អិ​ច​មួយគ្រឿង និង​រថយន្ត ដឹក​ដី ៣ ទៅ ៤ គ្រឿង កំពុង​កកាយ​ដី ចំណី​អូរ​ពាម​សាក់ នៅក្នុង​ភូមិ​ដដែល​នេះ​ដើម្បី​យក អាចម៍ដី ទៅ​លក់ ដោយ​ពុំ​ឃើញ​មាន​អាជ្ញាធរ ឬ​មន្ត្រី​ជំនាញ​ពាក់ព័ន្ធ ទប់ស្កាត់​ឡើយ ។​

​ដើម្បី​បាន​ចង់ដឹង​ច្បាស់ នូវ​ករណីនេះ​ក្រុម​អ្នក សារព័ត៌មាន​យើង បាន​ទូរស័ព្ទ​រាយការណ៍ ជូន​លោក សេង វិចិត្រ អភិបាលរង ស្រុក​រលាប្អៀរ ដើម្បី​ចុះមក​ស្រាវជ្រាវ​និង​ចាត់ការ តាមផ្លូវ​ច្បាប់ ប៉ុន្តែ​ត្រូវបាន​លោក សេង វិចិត្រ ឆ្លើយ​តាម​ទូរស័ព្ទ ប្រាប់ថា​លោក​មិនបាន ដឹង​ករណីនេះ​ទេ តែ​លោក​នឹង​ឲ្យ​អាជ្ញាធរ​ឃុំ ចុះទៅពិនិត្យ ដើម្បី​រាយការណ៍ មក​ថ្នាក់ស្រុក ចាត់ការ​។ ក្រោយពី ក្រុម​អ្នកសារព័ត៌មាន​យើង បាន​រាយការណ៍​ឲ្យ​អាជ្ញាធរ​ស្រុក គឺ​គេ មិនឃើញ​មាន​ស្ថាប័ន​ណាមួយ ចុះទៅ​ពិនិត្យមើល ទីតាំង​បទល្មើស​ខាងលើ​នេះឡើយ ។​

​ដោយឡែក នៅ​ព្រឹក​ថ្ងៃទី ៣០ ខែមករា ក្រុម​អ្នកសារព័ត៌មាន​យើង បាន​ទូរស័ព្ទ​ទៅ លោក ជ័យ ម៉ូត ជំទប់​ទី ១ ឃុំ​ទឹក​ហូត រាយការណ៍ អំពី​ករណី​ខាងលើនេះ ដោយ​លោក ជ័យ ម៉ូត បាន​ឆ្លើយ​តាម​ទូរស័ព្ទ​ថា លោក​ក៏​ទើបតែ​ដឹង​រឿងនេះ ពី​លោក សេង វិចិត្រ អភិបាលរង ស្រុក​រលាប្អៀ នៅ​ព្រឹក​ថ្ងៃ ៣០ នេះ ហើយ​លោក នឹង​ចុះទៅពិនិត្យ នៅ​ទីនោះ ដើម្បី​ចាត់ ការ​តាមច្បាប់ ។​

​នៅ​ព្រឹក​ថ្ងៃទី​៣០ ខែមករា ដដែល​នេះដែរ លោក យង់ សៅ​វុទ្ធី អភិបាលស្រុក​រលាប្អៀរ បាន​ឆ្លើយ​តាម​ទូរស័ព្ទ​ថា លោក​ពុំ​បានដឹង ករណីនេះ​ទេ តែ​លោក​នឹង​ឱ្យ​លោក អភិបាល រង​ស្រុក ទទួល​កិច្ចការងារ​នេះ និង​លោក​មេឃុំ​ទឹក​ហូត ចុះទៅ​ទៀត​មើល ដើម្បី​ចាត់​វិធាន ការ​តាមផ្លូវ​ច្បាប់​។​

​ប៉ុន្តែ​នៅ​ល្ងាច​ថ្ងៃ​ដដែល​នេះ ប្រជាពលរដ្ឋ នៅក្នុង​ភូមិ​ទឹកល្អក់ បាន​រាយការណ៍​ឲ្យ​ដឹងថា ក្រុមហ៊ុន ង៉ែត សុ​ម៉ាលី ដែលមាន​ទីតាំងនៅ​ផ្សារ​ព្រៃ​ខ្មែរ កំពុងតែ​ជីក​កកាយ​ដី ចំណី​អូរ ពាម​សាក់​ដដែល គឺ​គេ​មិនបាន​ឃើញ វត្តមាន​សមត្ថកិច្ច ឬ​ស្ថាប័ន​ជំនាញ និង​អាជ្ញាធរ​ឃុំ ស្រុក ចុះទៅ​ចាត់វិធានការ ទប់ស្កាត់​នោះឡើយ​។​

​ពាក់ព័ន្ធ​នឹង​ករណី ខាងលើនេះ ត្រូវបាន​គេ​ដាក់​ការសង្ស័យថា មានការ​សមគំនិត​គ្នា​ហើយ បានជា​បណ្ដែតបណ្ដោយ ឱ្យ​ក្រុមហ៊ុន​មួយ​នេះ លួច​យក​ដី​ចំណីផ្លូវ និង​ចំណី​អូរ របស់​រដ្ឋ យ៉ាង​អនាធិបតេយ្យ នៅពេល​មន្ត្រី​ពាក់ព័ន្ធ ខាងក្រោម ឆ្លើយថា​មិនដឹង​ហើយក៏​គ្មាន ចំណាត់ការ​ផងដែរ ៕/V​-PC


       

      

0 Comments:

Post a Comment

 
រក្សាសិទ្ធិ: © 2022. MCNTVONLINE -រក្សាសិទ្ទិគ្រប់យ៉ាង រចនាដោយ: WEBSITE ចាងហ្វាងការផ្សាយស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 077 937 377 - 097 338 - 2133 - 010 767 745 ។
Design by Wordpress Theme | Bloggerized by Free Blogger Templates | coupon codes