សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3

 

សូមស្វាគមន៍ គេហទំព័រ អឹម ស៊ី អិន ធីវីអនឡាញ មានទទួលផ្សាយពាណិជ្ជកម្មគ្រប់ប្រភេទ ទីស្នាក់ការកណ្តាល : ផ្លូវលំ ភូមិស្ពានខ្ពស់ សង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ទំនាក់ទនង Tell: 010 767 745 / 077 937 377 / 097 338 213 3


ថ្ងៃចេញផ្សាយ : Monday, January 18, 2021

ក្រុមហ៊ុនអាមេរិក Virgin Orbit ទទួលជោគជ័យលើការបាញ់បង្ហោះគ្រាប់រ៉ុក្កែត ចេញពីស្លាបយន្តហោះជាលើកដំបូង


អ្នកនិពន្ធ :

 


ក្រុមហ៊ុន Virgin Orbit កាលពីថ្ងៃអាទិត្យ ទី១៧ ខែមករា (ពេលវេលានៅអាមេរិក) បានប្រកាសថា រ៉ុក្កែត ឡញ់ឆឺ-១ (LauncherOne) របស់ខ្លួនបានឡើងទៅកាន់គន្លងតារាវិថីដោយជោគជ័យ។ រ៉ុក្កែតនេះមិនមែនបង្ហោះចេញពីលើមូលដ្ឋាននៅផ្ទៃដីឡើយ ផ្ទុយទៅវិញគឺវាត្រូវបានបាញ់ចេញពី ស្លាបរបស់យន្តហោះ Boeing 747 មួយគ្រឿង ដែលហោះហើរនៅលើផ្ទៃអាកាសស្រាប់។

អំឡុងភាពជោគជ័យខាងលើ គ្រាប់រ៉ុក្កែតរបស់ក្រុមហ៊ុន Virgin Orbit បាននាំយកក្រុមផ្កាយរណបតូចៗហៅថា ឃ្យូបសាត (CubeSat) ដែលត្រូវបានអភិវឌ្ឍ និងផលិតឡើងក្រោមផ្នែកនៃកម្មវិធីអប់រំរបស់ ទីភ្នាក់ងារអវកាសអាមេរិក NASA ដែលមានការចូលរួមពីសំណាក់សាកលវិទ្យាល័យនានា នៅក្នុងសហរដ្ឋអាមេរិក។

គួរបញ្ជាក់ថា វាជាលើកទីពីរហើយដែលក្រុមហ៊ុន Virgin Oribt បានព្យាយាមបាញ់បង្ហោះគ្រាប់រ៉ុក្កែត LauncherOne ខណៈការព្យាយាមលើកដំបូង គឺកាលពីខែឧសភា ឆ្នាំ២០២០ មិនទទួលបានជោគជ័យ។ ក្រុមហ៊ុន Virgin Orbit ជាក្រុមហ៊ុនដាច់ដោយឡែកពីក្រុមហ៊ុន វើជីន ហ្គាឡាទិច (Virgin Galatic) ដែលត្រូវបានបង្កើតឡើងដោយមហាសេដ្ឋីអង់គ្លេសលោក រីឆាដ ប្រ៊ែនសុន (Richard Branson) ដូចគ្នា។ ក្រុមហ៊ុន Virgin Galatic ផ្តោតទៅលើការផ្តល់សេវា ធ្វើទេសចរណ៍ឡើងទៅកាន់ទីអវកាស៕

Monday, January 18, 2021
Stumble
Delicious
Twitter
Facebook

0 Comments:

Post a Comment

Popular Posts

ព័ត៌មានជាតិ និង អន្តរជាតិ ប្រចាំថ្ងៃ